SuperDizionari

materie s.f.
(ma-te-ri-e)

Dut ce che al è fisic, che al compon il mont sensibil, la sostance di un cuarp

sinonimi

sostance

esempi

"il Principi di Ecuivalence al dîs che dutis lis formis di energjie (e di materie) a interagjissin te stesse maniere cu la gravitazion"

da "Teologjie algjebriche" di Sergio Cecotti

"il poete al zuie cu la peraule cussì come il pitôr cui colôrs e il scultôr cu la materie"

da "Interviste a Pierluigi Cappello" di Walter Tomada

materie s.f.
(ma-te-ri-e)

[TS] (filos.) Inte filosofie greghe antighe, sostance che e je la fonde di dut ce che al è

esempi

"lis sostancis dal mont a son fatis di materie e forme"

materie s.f.
(ma-te-ri-e)

Setôr o aspiet dal savê o de ativitât umane

sinonimi

argoment, contignût, sogjet, teme

esempi

"da prinzipi favelavin di pitura. Il diau spiegava tantis cognizions in chista materia, che il pitôr stava sintîlu cu la bocja aviarta"

da "Il diau sul Studeniz" di Giovanni Luigi Filli

"la Regjon e esercite lis funzions aministrativis intes materiis indulà che e à il podê legjislatîf seont i articui 4 e 5, fale chês che lis leçs de Republiche ur assegne ai Ents locâi"

da "Statût Speciâl de Regjon Autonome Friûl-Vignesie Julie" di Aministrazion Publiche

materie s.f.
(ma-te-ri-e)

Secrezion o escrezion infete

sinonimi

pus

esempi

"e tirave fûr la butilie de tinture di jodi se e saveve di cualchidun ferît; che e jere ancjemò une robe tant gnove par chei che si pistrignavin cu la tele di ragn e il mâl si butave in materie"

da "Cjase di Dalban" di Maria Forte

"se nol fos stât un uficiâl miedi todesc, gno pari nol sarès campât [par une infezion te gjambe]. [...] Sintût il câs, il muc al vignì, al tornà plui voltis, fintremai che al rivà a fâ scliçâ fûr la materie"

da "Mê none Miute" di Lucio Perès

monolingue