Tu âs cirût la peraule
monolengâl
torne indaûr

monolengâl

meti dongje loc.v.
Fâ in mût che plui elements, materiâi o imateriâi, a sedin insiemi o coordenâts o disponibii o creâ un complès formât di plui elements, tocs, parts e v.i. (ancje fig.)
sinonims
dâ dongje, unî, meti adun, zontâ, riunî, tirâ dongje, tirâ adun, parâ dongje, dâ adun
esemplis
"al jere daûr a meti dongje i libris, par cori a scuele di buride"
gjavât fûr di "Prime di sere" di Carlo Sgorlon
"prin di dut Cavedalis al si preocupà di meti dongje un esercit regolâr e di organizâ la difese"
gjavât fûr di "Zuan Batiste Cavedalis - Une vite esemplâr" di Giovanni Pillinini
"un puzzle: une schirie di tocuts di meti dongje, ognidun cu la sô forme"
gjavât fûr di "Altris contis di famee" di Raffaele Serafini
meti dongje loc.v.
Meti, fâ o dî alc in plui
sinonims
zontâ
esemplis
"ancje Anzulin si sintì in dovê di meti dongje alc ae cjacarade di 'Sefin. «Mame, le pensi ancje jo come 'Sefin. [...]»"
gjavât fûr di "La cjase di Toni" di Tarcisio Venuti
meti dongje loc.v.
Meti in confront, in paragon
sinonims
meti, meti in confront, meti in paragon, paragonâ
esemplis
"la citazion e je stade fate cuntune vore di umiltât e cence nissune intenzion di meti dongje i doi lavôrs"
gjavât fûr di "B123ST" di Raffaele Serafini
meti dongje loc.v.
Fâ jessi intune relazion di comunance, di condivision, di analogjie e v.i.
esemplis
"l'ûs de definizion di seconde Irlande al cjatarà ancjemò rivoc tes aulis parlamentârs (e no dome) e, plui indenant, al metarà dongje ai furlans, ai slovens e ai cravuats ancje i sudtirolês, i ladins e i sarts"
gjavât fûr di "La seconde Irlande" di Carli Pup
"chel destin che al à metût dongje milions di lôr"
gjavât fûr di "Buchenwald 1944" di Max Mauro
meti dongje loc.v.
Fâ jessi intune relazion, ancje tal sens di fâ cognossi, fâ morosâ
esemplis
"al ven a stâi che disot Codroip, si sposin doi colonos che ju veve metûts dongje Jacum e cussì al vignì invidât a gnocis"
gjavât fûr di "Invidâ e disvidâ" di Angelo Covazzi
meti dongje loc.v.
Meti sul fûc a scjaldâ o a cuei
sinonims
meti sù
esemplis
"e varès propri de voie done Sabide, cuant che rive a Lorençâs strache e finide, di impiâ il fûc, e meti dongje a fâ da cene!"
gjavât fûr di "La cjargnele dal avout" di Giovanni Gortani
""Gabriel! Sù met dongje le cogume biel prest""
gjavât fûr di "Il Strolic furlan par l'an 1833" di Pieri Çorut
meti dongje loc.v.
Deventâ plui gras, plui in cjar
sinonims
meti sù
esemplis
"«Ce aial di vê mo, chel frut… nome piel e vues che nol met dongje nuie?»"
gjavât fûr di "Une cotule pal dì de sagre" di Pieri Menis
"tai cjôts i purcits di grasse a metevin dongje dì par dì"
gjavât fûr di "La aghe da pît la cleve" di Dino Virgili
torne sù