SuperDizionari

militâr adi.
(mi-li-târ)

Des fuarcis armadis, che al à a ce fâ cu lis fuarcis armadis

esempi

"trupis dal III e IV Cuarp di armade impegnadis intes grandis manovris militârs"

da "Cuintristorie dal Nûfcent 1900-1910" di Angelo Floramo

"dopo dal 1420 i tentatîfs di tornâ a meti impins il guvier dal patriarcje par vie diplomatiche e militâr a forin cause di vueris e di repressions"

da "Storie dal popul furlan" di Gian Carlo Menis

"a pene che al fo pussibil, al bandonà la Libie, la cariere militâr, e al vignì a stâ te cjase di Tesis"

da "Il dolfin" di Carlo Sgorlon

militâr s.m.
(mi-li-târ)

Cui che al fâs servizi tes fuarcis armadis

esempi

"pardut une grant confusion di militârs, di camions, di lungjis filis di caretons: si diseve che i todescs a vevin rot il front a Cjaurêt"

da "Sant Simon: 28 di Otubar 1917" di Pieri Somede dai Marcs

"jessint fie di un militâr e jere vignude a stâ tal Friûl des grandis casermis"

da "La haine" di Checo Tam

militâr s.m.
(mi-li-târ)

Servizi fat tes fuarcis armadis

esempi

"al veve scugnût fâ dîs agns di militâr cui “jegars” sot da la Austrie"

da "Il prin moto" di Riedo Pup

"i fantats no vevin voie di lavorâ pai cjamps. Finît il militâr, o che a fasevin concors par jentrâ in ferovie, o che a lavin a imparâ il mecanic"

da "Prime di sere" di Carlo Sgorlon

"i fassistei di paîs si sintivin ducj centurions romans e concuistadôrs, ancje chei riformâts di militâr"

da "Cretevierte" di Roberto Ongaro

militâr s.m.
(mi-li-târ)

Lis fuarcis armadis, sedi tant che struture che tant che complès di personis, materiâl e v.i.

sinonimi

esercit

esempi

"se mi ves lassât il timp, cence fâ intervignî il militâr, cu lis armis…, o sarès rivât a fâ chel che – prime di dut – al jere di just che al fos fat…: convinciju a fevelâ cun lui, a vignî a pats"

da "Int di masnade" di Alviero Negro

monolingue