Hai cercato la parola
monolingue
Torna indietro

monolingue

mistîr s.m.
(mis-tîr)
Ativitât, massime manuâl, imparade cu la pratiche e praticade par vuadagnâ
sinonimi
art, profession, lavôr
esempi
"al faseve il taxist, un mistîr che i plaseve parcè che al podeve stâ cu la int"
da "Il cjâf dai furlans" di Franc Fari
"al faseve il barbîr cuant che nol veve lavôr di muredôr, che chel al jere il so mistîr vêr"
da "Cjavei" di Meni Ucel
"o 'nd ai fats mil di mistîrs, ma cumò o soi disocupât"
da "Prime di sere" di Carlo Sgorlon
Vedi anche: mestîr, mistêr
mistîr s.m.
(mis-tîr)
Ativitât proprie e naturâl di cdn. o di alc
sinonimi
art, lavôr, dovê, compit, assum, funzion
esempi
"cuant che i vistîts a rivin a fâ il lôr mistîr cuntun pôc di estri, di gracie e di elegance, alore la mode e je biele"
da "I furlans e la mode" di Riedo Pup
"i gjornâi, par altri no àn nissune colpe di ce che al sucêt. Il lôr mistîr al è nome chel di regjistrâ e di contâ i fats"
da "Il partît dai zovins coscrits" di Riedo Pup
"[il Soreli] l'atint al so mistîr / e simpri vulintîr"
da "Pronostic del 1835" di Pieri Çorut
mistîr s.m.
(mis-tîr)
Abilitât, capacitât, te profession o ancje in cualsisei robe che si fâs
sinonimi
man, esperience, tecniche
esempi
"[il fari] al sfladassave dute la sante setemane batint sore dal mai il fier ruvielât e gjavant fûr cun mistîr ogni sorte di imprest"
da "Lis aganis" di Josef Cjargnel
"tocs di rock melodic e potent, cjantâts e sunâts cun snait e cun mistîr"
da "Gweltaz Adeux, rock breton melodic e potent" di Marc Stolf
"[par fâ la punture] la gusele infin e lave gjavade di colp e la part sfreolade par ben. Si pues ben capî, duncje, che i voleve mistîr "
da "La punture" di Paolo Monte
mistîr s.m.
(mis-tîr)
Il dâ servizis sessuâi par bêçs (eufem.)
sinonimi
prostituzion
esempi
"al leve inalgò cun siorutis che a fasevin il mistîr e i suiavin il tacuin e la medole dai vues"
da "Come tai romançs" di Alan Brusini
proverbi
"al è un brut mistîr chel di fâ ridi"
"al vûl mistîr a fâ cuincîr"
"al vûl mistîr in dut e lassâur cjapâ lis surîs ai gjats"
"cent mistîrs e mil miseriis"
"cent mistîrs, nissun di bon"
"cui che al fâs il to mistîr no ti è mai amì"
"cui che nol à mistîr e al va a spas, si invie al ospedâl a grancj pas"
"cul art e cul ingjan si campe mieç an, cul art e cul mistîr si campe l'an intîr"
"ducj a fevelin ben dal lôr mistîr"
"dut si mangje ma no il mistîr"
"fâ il mistîr dal Michelaç: mangjâ, bevi e lâ a spas"
"fûr sanc, dentri mistîr"
"il masse e il masse pôc a disjustin ogni mistîr"
"il masse e il masse pôc a dissipin ogni mistîr"
"il mistîr dal matrimoni plui si lu fâs e plui si lu dispare"
"il mistîr nol domande pan"
"lis oris de matine a son la mari dai mistîrs, lis oris da la sere a son la mari dai pinsîrs"
"ognidun che al fasi il so mistîr"
"trist al è chel mistîr che nol manten il mestri"
"trops mistîrs, nissun di bon"
Torna in Cima