SuperDizionari

montâ v.intr., v.tr.
(mon-tâ)

Lâ sù

sinonimi

lâ sù, rimpinâsi, rimpinâsi sù

esempi

"al jere montât sul mûr lavorant di mans e di comedons e di pîts par olmâ ce che al jere di chê altre bande"

da "Il puint de ledre" di Agnul di Spere

"Tite al monte sui scjalins e al jentre ta chê vile"

da "Vencul" di Checo Tam

"co al ven scûr e la lune e monte tal cîl, a son inmò uciei che a cjantin"

da "Mestris cjantôrs" di Alan Brusini

"Ulive e montà svelte la scjale par lâ adalt"

da "La tiere di Lansing" di Maria Forte

montâ v.tr.
(mon-tâ)

Spec. di strade e sim., jessi in rive sù

sinonimi

lâ sù, rimontâ

esempi

"la linie de ferade e scomençave a montâ tes culinis daûr de citât"

da "In viaç di domenie" di Agnul di Spere

montâ v.intr.
(mon-tâ)

Di emozion, fâsi sintî a fuart (fig.)

esempi

"a colp mi monte il futar di prime, ma une rabie di chês"

da "I forescj" di Alan Brusini, Gian Paolo Linda

montâ v.intr.
(mon-tâ)

Tacâ a fâ un turni

esempi

"al veve durmît un pâr di oris prin di montâ in servizi e nol veve fat adore a scoltâ la radio"

da "In viaç di domenie" di Agnul di Spere

montâ v.tr.
(mon-tâ)

Di animâl mascjo, vê un rapuart sessuâl cu la mascje

sinonimi

cuvierzi, fecondâ, jemplâ

esempi

"puartâ il taur a montâ lis vacjis"

montâ v.tr.
(mon-tâ)

Meti tal lôr puest i tocs di alc o componi alc cun plui tocs

sinonimi

dâ dongje, fâ, fâ sù, meti dongje, meti sù

esempi

"Elio e Fiorello a stevin rimpinâts par tirâ sù i tocs [de antene] che a vignivin montâts parsore de vecje base"

da "Un Friûl difarent: i 90 mhz di Onde Furlane" di Max Mauro

"il vieli [marangon] i mostrà un cassetin di montâ, e Eliseo al fasè la vore in mancul di mieze ore"

da "Prime di sere" di Carlo Sgorlon

montâ v.tr.
(mon-tâ)

Fâ sù in maniere artificiâl, sfuarçade, ancje disoneste

esempi

"al fo montât cuintri di lui un procès cu la acuse di vê tratignût une sume destinade a la difese di Osôf"

da "Zuan Batiste Cavedalis - Une vite esemplâr" di Giovanni Pillinini

montâ v.tr.
(mon-tâ)

[TS] (cinem.) Fâ il montaç di un cine

esempi

"ducj i videos a vignivin pensâts, regjistrâts cu la piçule videocjamare numeriche/digjitâl e montâts su ordenadôr di bessôi"

da "Interviste cun Giorgio Cantoni" di Fabian Ros

montâ v.tr.
(mon-tâ)

Sbati un o plui ingredients o sostancis in maniere che a cressin di volum

sinonimi

bati, sbati

esempi

"montâ la clare cul zucar"

"montâ la pane"

montâ v.tr.
(mon-tâ)

Dâ masse impuartance a alc o a cdn. (fig.)

sinonimi

sglonfâ

esempi

"i gjornâi a àn montât un câs"

"a àn montât chel zuiadôr e al pense di jessi il miôr di ducj"

montâ v.tr.
(mon-tâ)

Stiçâ cdn. cuintri cdn. altri (fig.)

sinonimi

soflâ, meti sù, meti cuintri

esempi

"montâ la int cuintri dal guvier"

monolingue