Hai cercato la parola
monolingue
Torna indietro

monolingue

nût adi., s.m.
Che, cui che nol è cuviert di vistîts
sinonimi
crot, discrotât, dispueât
esempi
"[il princip] al dismonte e al va a viodi, e al cjate la sô biele dute nude tal forment"
da "La fie e la fiastre" di Andreina Nicoloso Ciceri
"al capitave di lâ a servî Messe, cui zenoi nûts sui scjalins dal altâr che a jerin di marmul"
da "Messe a straoris" di Meni Ucel
nût adi.
Di alc, che nol à rivistiments, protezions, furniments o altris elements intor o parsore (fig.)
sinonimi
coç, crot, disfurnît, malfurnît, rampit
esempi
"si contentave ancje di durmî, là sù, tune cjamarute che si viodevin i trâfs nûts e bas dal sofit"
da "Cjase di Dalban" di Maria Forte
"sul cuel che di Urbignà si slungje, cuasi nût di arbui e di cjasis, fin sul stradon di Magnan Cuelalt, e je une localitât clamade «Clap da la arcje»"
da "Lis leiendis di Buie" di Pieri Menis
"la isule di Sveti Marko si alçave in une grande schene di claps nûts"
da "Int no consumade" di Agnul di Spere
nût adi.
Che al è cence alc, ancje in riferiment a alc di imateriâl (fig.)
sinonimi
vueit
esempi
"al jere chel sgargaiôs di Nando Grubian e dongje chel biât Parùs, cul cerneli nût di pinsîrs e la bocje vierte e ferme come un sort e mut"
da "Varc di confin" di Maria Forte
nût adi.
Che al è presentât o che si presente dret te sô essence, cence elements di decorazion, di introduzion, di mediazion, di moderazion e v.i. (fig.)
sinonimi
essenziâl, sclagn, sclet, sempliç, sut, dret, crût
esempi
"la linie ferme e nude si trasforme in ricam, in arabesc"
da "Storie de art in Friûl" di Bepi Agostinis
"vignî mancul ae veretât che e varès di sei rude nude"
da "La gjachete" di Meni Ucel
nût s.m.
[TS] (art) Il cuarp dal om tant che ogjet di studi artistic e la sô rapresentazion
esempi
"i nûts di femine e ancje i paisaç a fasin pensâ al Rubens"
da "Storie de art in Friûl" di Bepi Agostinis
"doi cuadris laterâi de man istesse, un S. Michêl, e un S. Bastian, massimamenti chest ultin un nût stupent"
da "Trê Rafaei in jerbe" di Giovanni Gortani
proverbi
"a litigâ, un al reste in cjamese e chel altri biel nût"
"cuant che al cjante il cuc su la rame nude, la panole a ven madure"
"cui che le vuadagne al reste in cjamese, cui che le piert al reste nût"
"doi nûts no si puedin vistî"
Torna in Cima