Tu âs cirût la peraule
monolengâl
torne indaûr

monolengâl

net adi., s.m.
No sporc
sinonims
lindul, mont, smondeât
esemplis
" i vistîts nets e sopressâts"
gjavât fûr di "Sul florî" di AAVV
"tu podevis butâ jù la polente in place di tant net che al jere"
gjavât fûr di "I furlans e la Austrie" di Riedo Pup
"e svintulave la robe di lissie: tant che paveis grandonis. O ancje par tiere, sul nembri fresc. E puartave in cjase, dopo, un bonodôr di jerbe e di net"
gjavât fûr di "La aghe da pît la cleve" di Dino Virgili
"sul taulin metût tal cjanton dongje de stue, tune guantiere, a jerin tantis tacis netis e dongje un bocâl di vin blanc e profumât"
gjavât fûr di "Chei di Muraie" di Pieri Menis
net adi.
Di persone, che si lave, che e sta atente di jessi curade e di rispietâ la igjiene, che e à intor robe lavade
sinonims
mont
esemplis
"la int simpri ben vistude, i fruts simpri nets tant che pipins"
gjavât fûr di "Vilie di fieste" di Lucio Perès
net adi.
Cence nûi
sinonims
biel, clâr, limpi, seren, trasparent
esemplis
"l'aiar net, fresc, daspò di une gnot di burlaçs, la matine biele"
gjavât fûr di "Cjantâ pe vile" di Laurin Zuan Nardin
"il cîl net come un voli di uciel, e lis rositis tai cjamps di ogni stagjon"
gjavât fûr di "La aghe da pît la cleve" di Dino Virgili
net adi.
Libar di elements che a dan fastidi
esemplis
"ogni an o ai il ronc di seâ. Par vêlu net, che no vedin di vignî lis liparis"
gjavât fûr di "Amîs come prime" di Alan Brusini
"midiant de int, boscs e prâts a jerin nets e in ordin"
gjavât fûr di "Il sium di Lissandri" di Franca Mainardis
net adi.
No contaminât
esemplis
"no jere aghe nete ta chel trat ma dome un grant lâc neri di stomeose aghe di fogne che e vignive de citât"
gjavât fûr di "TRAGEDIA SUL TORRE:PENSIONATO SCHIACCIATO DAL SUO PICK-UP" di Checo Tam
net adi.
Di linie, figure e v.i., clâr, precîs, che si viôt ben, ancje in funz. av.
sinonims
ciert, clâr, esat, sigûr, precîs
esemplis
"il so cjaval blanc si intaiave net cuintri dal martueri de tiere massacrade"
gjavât fûr di "La aghe da pît la cleve" di Dino Virgili
net adi.
Di risultât, confront e v.i., che nol lasse dubis (fig.)
sinonims
complet, totâl
esemplis
"a son rivadis gnovis positivis par esempli di Cint, dulà che al à vinçût Gianluca Falcomer, 30 agns, furlanist doc, [...]. Une vitorie nete, cul 63,13%"
gjavât fûr di "Biel e brut tai risultâts des aministrativis" di il Cjargnel
net adi., s.m.
Dal pês, cence tare
esemplis
"e pese trentesiet chilos nets"
gjavât fûr di "Storie di Vera" di Ivano Urli
net adi., s.m.
Puartât indenant cun logjiche (fig.)
sinonims
clâr, limpi, trasparent
esemplis
"un resonament net"
net adi.
Di persone, grup di personis, maniere di fâ e v.i., che e va daûr des regulis de morâl e de leç (fig.)
sinonims
onest
esemplis
"a volevin aciertâ che o fos net e che la mê imprese e fos nete"
gjavât fûr di "Interviste a Manlio Collavino" di Christian Romanin
"tu âs lavorât pardabon: ma no stâ crodi che ducj i lavôrs a sedin nets: [...] a lavorin a lôr mût ancje i laris, i imbroions, i rufians"
gjavât fûr di "Lis predicjis dal muini" di Josef Marchet
"il so cûr, la sô anime a jerin nets"
gjavât fûr di "Par une lengate" di Pieri Somede dai Marcs
net adi., s.m.
(sport) Esibizion o percors cence erôrs, cence penalitâts
net adi.
Sempliç, elegant, essenziâl (fig.)
sinonims
essenziâl, sut
esemplis
"un stîl descritîf net"
net adi.
Cence bêçs (fig.)
esemplis
"daspò de ultime spese o soi restât net"
detulis
"il miôr cussignel e je la cussience nete"
"la cussience nete e je un bon cjaveçâl"
"la femine e à il cûr a fetis e, se lis da, no son mai netis"
"la vacje soce e po soçâ ancje chê nete"
torne sù