SuperDizionari

torne indaûr

monolengâl

nût adi., s.m.

Che, cui che nol è cuviert di vistîts

sinonims

crot, discrotât, dispueât

esemplis

"[il princip] al dismonte e al va a viodi, e al cjate la sô biele dute nude tal forment"

gjavât fûr di "La fie e la fiastre" di Andreina Nicoloso Ciceri

"al capitave di lâ a servî Messe, cui zenoi nûts sui scjalins dal altâr che a jerin di marmul"

gjavât fûr di "Messe a straoris" di Meni Ucel

nût adi.

Di alc, che nol à rivistiments, protezions, furniments o altris elements intor o parsore (fig.)

sinonims

coç, crot, disfurnît, malfurnît, rampit

esemplis

"si contentave ancje di durmî, là sù, tune cjamarute che si viodevin i trâfs nûts e bas dal sofit"

gjavât fûr di "Cjase di Dalban" di Maria Forte

"sul cuel che di Urbignà si slungje, cuasi nût di arbui e di cjasis, fin sul stradon di Magnan Cuelalt, e je une localitât clamade «Clap da la arcje»"

gjavât fûr di "Lis leiendis di Buie" di Pieri Menis

"la isule di Sveti Marko si alçave in une grande schene di claps nûts"

gjavât fûr di "Int no consumade" di Agnul di Spere

nût adi.

Che al è cence alc, ancje in riferiment a alc di imateriâl (fig.)

sinonims

vueit

esemplis

"al jere chel sgargaiôs di Nando Grubian e dongje chel biât Parùs, cul cerneli nût di pinsîrs e la bocje vierte e ferme come un sort e mut"

gjavât fûr di "Varc di confin" di Maria Forte

nût adi.

Che al è presentât o che si presente dret te sô essence, cence elements di decorazion, di introduzion, di mediazion, di moderazion e v.i. (fig.)

sinonims

essenziâl, sclagn, sclet, sempliç, sut, dret, crût

esemplis

"la linie ferme e nude si trasforme in ricam, in arabesc"

gjavât fûr di "Storie de art in Friûl" di Bepi Agostinis

"vignî mancul ae veretât che e varès di sei rude nude"

gjavât fûr di "La gjachete" di Meni Ucel

nût s.m.

[TS] (art) Il cuarp dal om tant che ogjet di studi artistic e la sô rapresentazion

esemplis

"i nûts di femine e ancje i paisaç a fasin pensâ al Rubens"

gjavât fûr di "Storie de art in Friûl" di Bepi Agostinis

"doi cuadris laterâi de man istesse, un S. Michêl, e un S. Bastian, massimamenti chest ultin un nût stupent"

gjavât fûr di "Trê Rafaei in jerbe" di Giovanni Gortani

detulis

"a litigâ, un al reste in cjamese e chel altri biel nût"

"cuant che al cjante il cuc su la rame nude, la panole a ven madure"

"cui che le vuadagne al reste in cjamese, cui che le piert al reste nût"

"doi nûts no si puedin vistî"

torne sù