SuperDizionari

monolengâl

olmâ v.tr.
(ol-mâ)

Rivâ a viodi, a individuâ cui voi, soredut di lontan, di scuindon, a la svelte, par câs o ben cuntun ciert sfuarç, cun atenzion, cun desideri e v.i.

sinonims

lumâ, cjalâ, voglâ, calumâ, cucâ, lampâ, viodi, lupâ, osservâ

esemplis

"[il gjat] cu la cjaladure tirade, cui pêi luncs ingredeâts, cun chê ande suturne che ti olmave di jenfri lis fueis, al someave che ti cjalàs fûr dal infier"

gjavât fûr di "Il gjatat neri dai Fers" di Josef Cjargnel

"sot sere si comedà par ben, par lâ a cirî l'om e lu cjatà ta la ostarie de More. Cuant che lu olmà che al strenzeve jenfri i dêts i smursiei ros e taronts de frutate, si sintì a crevâsi la vite"

gjavât fûr di "La cotule di none Betilde" di Maria Forte

"[Sant Pieri] al butà il voli jù par olmâ il timp de bande di Tarcint"

gjavât fûr di "Lis çariesis pe mari di Sant Pieri" di Alviero Negro

""A 'nt fossin di striis cussì!" al suspirave un altri, poiât cuintri dal antîl, a olmâle , cun gole, tal biel che e passave"

gjavât fûr di "Îr e doman" di Gianni Gregoricchio

Viôt ancje: vualmâ

olmâ v.tr.
(ol-mâ)

Rivâ a individuâ o a percepî, no dome cui voi (fig.)

sinonims

capî, cucâ, determinâ, viodi, sintî, ricognossi, cognossi, intraviodi, traviodi, notâ, acuarzisi, inacuarzisi, visâsi, intaiâsi, nasâ, osservâ

esemplis

"in diviers câs o vin olmât un ciert disinterès"

gjavât fûr di "A ce pont ise la atuazion de Leç 482" di Carli Pup

"[il libri de Apocalìs] nus permet di cjalâ di là dal inmediât e di olmâ chel futûr che nus incjante e nus spavente"

gjavât fûr di "Atualitât de rivelazion" di Antoni Beline

torne sù