Hai cercato la parola
monolingue
Torna indietro

monolingue

olme s.f.
(ol-me)
Segn lassât cjalcjant o tocjant une superficie, un cuarp o altri cui pîts, cui dêts o cun altris parts dal cuarp, o passantji sore
sinonimi
impront, pescjade, stamp, stampe, tibiade, tibie, ferade
esempi
"il talon, discjapinele, al stampave une olme di bagnât sul solâr"
da "La aghe da pît la cleve" di Dino Virgili
"[te nêf] si viodevin a pene lis sgrifutis, a stele, dai uciei e la olme lizere di cualchi besteute dal bosc"
da "La tiere di Lansing" di Maria Forte
olme s.f.
(ol-me)
Influence, segn, element e v.i. lassât di cdn. o di alc
sinonimi
jenfrisegn, segn, ferade
esempi
"te mê memorie e te memorie di ducj chei che lu àn cognossût [...] Fausto Schiavi al à lassade une olme che no si è mai sfantade"
da "Tal non di Fausto Schiavi" di Adrian Cescje
olme s.f.
(ol-me)
Pal solit in espressions negativis, esistence o cuantitât o presince minime (fig.)
sinonimi
ponte, ombre, segnâl, tic, fregul, spêl
esempi
"la Arlef e varès di podê zovâsi di une Comission pal ûs sociâl de lenghe furlane, nomenade dal president de Regjon. In dì di vuê, di cheste Comission no si viôt olme"
da "Sot atac l'avignî de lenghe furlane" di Carli Pup
Torna in Cima