Hai cercato la parola
monolingue
Torna indietro

monolingue

oposizion s.f.
(o-po-si-zi-on)
Il jessi, il meti o il metisi in posizion contrarie, in contrast
sinonimi
conflit, contrast, disacuardi, scuintri, contraposion
esempi
"une schirie di concets considerâts tant che in oposizion un cul altri"
da "Prejudizis teorics e contrascj ideologjics su la tutele des lenghis minoritariis" di Marc Stolf
oposizion s.f.
(o-po-si-zi-on)
Il fâi cuintri a cdn. o a alc
sinonimi
contrarietât, contrast, resistence
esempi
"La regjon Friûl - Vignesie Julie e nassè nome tal 1963, cence oposizion de bande dai partîts plui impuartants. De Democrazie Cristiane al Partît Comunist, passant par chei altris partîts dal arc costituzionâl, ducj a someavin sodisfats de gnove organizazion aministrative"
da "Un Friûl difarent: i 90 mhz di Onde Furlane" di Max Mauro
oposizion s.f.
(o-po-si-zi-on)
[TS] (polit.) Fuarce o complès di fuarcis politichis che a son in contrast cul guvier, cuntune maiorance, cuntune autoritât e sim.
sinonimi
minorance
esempi
"[il guvier] al fâs alt e bas cence mai scoltâ la oposizion"
da "Il strolic al pronostiche" di Josef Marchet
oposizion s.f.
(o-po-si-zi-on)
[TS] (dir.) Cualsisei impugnazion o contestazion cuintri di un at de autoritât publiche o di une domande di part
esempi
"se [l'imputât] al à una fondada oposizion viars cualchidun dai Judiçs radunâts, [...] bisugna subit che chel Assessôr al vegni cambiât di un altri de la stessa carica"
da "Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera" di Antoni Brumat
oposizion s.f.
(o-po-si-zi-on)
[TS] (gjeofis.) Posizion di dôs entitâts che a son in posizion diametrâl une rispiet a chê altre su la superficie de tiere
oposizion s.f.
(o-po-si-zi-on)
[TS] (astron.) Posizion di doi cuarps celescj che lis lôr longjitudins si diferenziin di 180°
oposizion s.f.
(o-po-si-zi-on)
[TS] (ling.) Inte linguistiche struturâl, rapuart che al esist a nivel fonologjic, morfologjic, lessicâl o sintatic tra elements che a àn valôr diviers e distintîf
esempi
"gjavâ vie ancje la grafie ts nus puartarès a doprâ une grafie sole par trê suns diferents e a fâ la confusion dai suns ts e dz, che a corispuindin a une oposizion (consonante sorde - consonante sonore) che, in mûts diferents, a fasin dutis lis varietâts dal furlan"
da "La grafie furlane normalizade" di Xavier Lamuela
Torna in Cima