SuperDizionari

ordenâ v.tr.
(or-de-nâ)

Dâ un ordin

sinonimi

decretâ, disponi, imponi, intimâ, stabilî, comandâ

esempi

"bigne che al comandi un sôl e fâ ce che al ordene!"

da "Il muc" di Roberto Ongaro

"al viôt denant di se un trop di presonîrs. Il comandant di compagnie al ordene di copâju a metraie"

da "Mors tua, vita mea" di Checo Tam

ordenâ v.tr.
(or-de-nâ)

Domandâ alc di bevi o di mangjâ tun ambient (ancje ass.)

sinonimi

comandâ

esempi

"cualchidun al torne ta la ostarie, al ordene un altri tai, al peste il pugn sul banc come par fâsi valê"

da "I forescj" di Alan Brusini, Gian Paolo Linda

"par parâ vie la smare, o ordeni ancjemò un grant di bire scure"

da "Viaç a Vignesie" di Arturo Feruglio

"al ordenà alc di cjalt e la chelare i fasè bocje da ridi"

da "La tiere di Lansing" di Maria Forte

ordenâ v.tr.
(or-de-nâ)

Domandâ di fâ un lavôr o di fâ rivâ un prodot

sinonimi

cometi, comissionâ

esempi

"tal indoman Eliseo al le a ordenâ il materiâl. Al saveve ben i puescj, al veve menât tantis voltis cjamis di cjalcine e di savalon pai impresaris"

da "Prime di sere" di Carlo Sgorlon

"o ai puartât i colôrs che mi à ordenât il pitôr"

da "Co l'amôr al cimie" di Costantino Smaniotto

"al vendè a un oresin dut l'aur e cun chei bêçs - e no 'nd è stâts nancje avonde - al ordenà une Madone di len in Val Gardene cul Signôr in braç"

da "La Madone dai siet dolôrs" di Pieri Somede dai Marcs

ordenâ v.tr.
(or-de-nâ)

[TS] (ecl.) Consacrâ e dâ i ordins sacris

esempi

"[Luigi Faidutti] al studià prime li dal ’Seminari di Udin po in chel di Gurize, tal 1884 al vignì ordenât predi"

da "150 agns de nassite di bonsignôr Luigi Faidutti, "deputât furlan al Parlament di Viene"" di Alessio Potocco

ordenâ v.tr.
(or-de-nâ)

Meti in ordin o intun ciert ordin, sedi robis concretis che astratis

sinonimi

catalogâ, disponi, intropâ, organizâ, rangjâ, riâ, sestâ, sistemâ

esempi

"une lenghe e ordene lis robis dal mont intune cierte maniere"

da "Il cjâf dai furlans" di Franc Fari

"ordenâ i libris par argoment"

Vedi anche: ordinâ

ordenâ v.tr.
(or-de-nâ)

[TS] (mat.) Fissâ pai elements di un insiemi une relazion di ordin no simetriche e no identiche ma dome transitive

monolingue