SuperDizionari

peâ v.tr.
(pe-â)

Strenzi cuntune cuarde, un laç, un spali, un fîl e sim., une o plui cjossis o ancje personis par unî o tignî fer

sinonims

inlaçâ, laçâ, tacâ, leâ

esemplis

"cuatri lu vevin tignût dûr e chei altris lu vevin peât cuintri dal cjar. Lu vevin pacât sence remission"

gjavât fûr di "Îr e doman" di Gianni Gregoricchio

"si ere inacuart diviersis voltis la matine che la barcje del paron no si cjatave precisamenti dulà che la veve peade la sere"

gjavât fûr di "Un paîs misteriôs" di Luigi Gortani

"tai vignâi li ator a cuinçavin e a peavin lis vîts"

gjavât fûr di "Prime di sere" di Carlo Sgorlon

peâ v.tr.
(pe-â)

Condizionâ e gjavâ libertât (fig.)

sinonims

fermâ, inclaudâ, vincolâ, leâ

esemplis

"la leç di fiar dal no podê tornâ indaûr la peave ancje jê, come ducj i muarts"

gjavât fûr di "Il dolfin" di Carlo Sgorlon

peâ v.tr.
(pe-â)

Limitâ tai moviments (ancje ass.)

sinonims

leâ, intrigâ, imberdeâ

esemplis

"[la strade] e lave sù sot cjastinârs di mil agns, tra fratis, baraçs e cincinariis sui ôrs che ti peavin lis gjambis e ti sgrifavin la muse"

gjavât fûr di "I colaçs" di Meni Ucel

peâ v.tr.
(pe-â)

Svicinâ o cumbinâ fin scuasi a fondi doi elements (fig.)

sinonims

leâ

esemplis

"di sigûr al è vivût tuna discusidura, cença rivâ adora a peâ il volê jessi, cu la vita cemont che a è"

gjavât fûr di "Un pitour par me" di Novella Cantarutti

peâ v.tr.
(pe-â)

Svicinâ dôs o plui personis cun relazions afetivis, afinitâts di interès e sim. (fig.)

sinonims

zontâ, dâ dongje, dâ adun, meti adun, unî, leâ

esemplis

"a prin intro ju pee une glagn di amicizie e po, dì par dì simpri plui fuarte, une leande intiessude dal afiet di pari a fi"

gjavât fûr di "Storie di Min" di Ivano Urli

peâ v.tr.
(pe-â)

Meti in comunicazion o in relazion (fig.)

sinonims

zontâ, dâ dongje, dâ adun, meti adun, unî, leâ

esemplis

"si sintive a tirâ, mo di une bande, mo di chê altre, dal fîl invisibil che al peave passât e presint"

gjavât fûr di "Il sium di Lissandri" di Franca Mainardis

"lis ecuazions dal cjamp gravitazionâl [...] a pein la curvadure dal spazitimp [...] a la distribuzion di materie e a lis sôs interazions"

gjavât fûr di "Teologjie algjebriche" di Sergio Cecotti

peâ v.tr., v.intr.
(pe-â)

Di robe di mangjâ, di bevi o sim., dâ une brute sensazion in bocje (fig.)

sinonims

leâ

esemplis

"pomis che si tirave jù dai arbui ancjemò gherbis, che ti inceavin la bocje e ti peavin i dincj"

gjavât fûr di "Stagjons dal an e de vite. Sierade" di Antoni Beline

monolengâl