Tu âs cirût la peraule
monolengâl
torne indaûr

monolengâl

peçot s.m.
(pe-çot)
Toc di tiessût doprât soredut par netâ, ma ancje par cualsisei robe che e coventi
sinonims
canevaç, piece, peçote, sbrendul, strace, straç, sfreadôr
esemplis
"i plaseve lâ ator in biciclete, la sô antighe Vander tipo sport che al tignive come un spieli, lustrade cul peçot"
gjavât fûr di "Par stradis lungjis" di Alan Brusini
"[la camarele] e jere li, e passave il peçot sul banc"
gjavât fûr di "I forescj" di Alan Brusini, Gian Paolo Linda
peçot s.m.
(pe-çot)
Robe di metisi intor, spec. puare o malmetude
sinonims
blec, garbat, grabatul, sbrendul, stripicin
esemplis
"ancje vistude di peçots, Line e je une grant biele fantate"
gjavât fûr di "Cretevierte" di Roberto Ongaro
peçot s.m.
(pe-çot)
Toc di tele che si pues lavâ, metûts ai frutins par che no sporcjin
sinonims
panut, panzit
esemplis
""[...] se ti vanze cualchi tocut di tele metile vie pal nestri frut." [...] Jê e va, ma al rive il princip e al dîs: "Viodêt che no vebi robât alc; fasêt il visaperto." I cjatin i tocuts di tele par doi peçots"
gjavât fûr di "I trê cjadreons" di Andreina Nicoloso Ciceri
""I âstu metût il peçot a Tilio?""
gjavât fûr di "Trê feminis" di Gianni Gregoricchio
peçot s.m.
(pe-çot)
Persone debile, butade jù
sinonims
sbrendul
esemplis
"[la frutate] e fo un peçot jê e la man che le veve pal stomi e no podeve distacâsi"
gjavât fûr di "Pôre tal nuie..." di Dino Virgili
peçot s.m.
(pe-çot)
Spec. tal pl., cjacare triste fate daûr di chei altris
esemplis
"cjacaris fra lôr e lis fameis. Peçots dome a nivel dai curtîi, va ben, ma cun dut achel a siôr Bertin i jere scomençât il batiment di cûr"
gjavât fûr di "Cjase di Dalban" di Maria Forte
"culì la int e disledrose i peçots di ducj e o 'nd ai sintudis di chês…"
gjavât fûr di "La salamandrie tal fûc" di Carlo Tolazzi
detulis
"i peçots a van par aiar"
"i peçots si ju lave in cjase"
"il mês di brume ogni peçot si ingrume"
"no bisugne lâ daûr dai peçots dai fruts"
"no stâ lâ daûr di peçots di fruts"
"no stâ tignîi daûr a ogni peçot"
"prin rosis e flocs, po mierde e peçots"
"Sant Michêl nol mangje peçots"
"Sant Zuan nol mangje peçots"
torne sù