SuperDizionari

persecuzion s.f.
(per-se-cu-zi-on)

Azion o complès di azions aggressivis e ofensivis, ancje violentis, soredut organizadis e che a durin tal timp, cuintri di cdn., in particolâr cuintri di un coletîf cun ciertis carateristichis politichis, etnichis, religjosis e v.i.

esemplis

"la persecuzion [dai cristians] e finì tal 313 come risultât dal Edit di Costantin e di Lici"

gjavât fûr di "I mosaics de basiliche di Aquilee" di Giovanni Battauz, Flavio Cossar, Renato Iacumin

"ancje se la vuere e jere finide di plui di trente agns, e i cjamps di stermini a jerin deventâts museus e monuments di visitâ, jê e saveve che la persecuzion pal so popul e jere un destin che al podeve tornâ in ogni Paîs e in cualsisei moment"

gjavât fûr di "Ombris tal infinît" di Carlo Sgorlon

persecuzion s.f.
(per-se-cu-zi-on)

Azion di une autoritât che e cîr di fâ in maniere che il responsabil di une colpe al rindi cont devant de justizie

esemplis

"il tribunâl, che uficialmentri al à il non di Tribunâl penâl internazionâl pe persecuzion di personis responsabils di gjenocidi [...]""

gjavât fûr di "Il Ruande in judizi" di Mainardo Bernardelli

persecuzion s.f.
(per-se-cu-zi-on)

Persone, robe, situazion e v.i. che e da fastidi, che e tormente (iperb.)

sinonims

cjastì di Diu, cruzi, cjastî, flagjel, tribul, torment, pinitince, lambic, martueri, maledizion, danazion, condane, disgracie, cruzie, tumie, soference, agonie, patiment, pene, infier, crôs

esemplis

"in chel si sveave, in senton sul jet a tignîsi une man sul cûr che i sdrondenave come une piere. Chel sium, cetantis voltis che lu veve fat, une persecuzion , une malore"

gjavât fûr di "Par stradis lungjis" di Alan Brusini

monolengâl