SuperDizionari

peste s.f.
(pes-te)

[TS] (med.) Non gjeneric di diviersis malatiis epidemichis, ancje mortâls, sedi dal om che des bestiis, in particolâr di chê causade dal bateri Pasteurella pestis

sinonimi

gjandusse

esempi

"agns di penurie crudêl e fuarte che a van dal 1628 al 1630, là che vuere, fam, peste e muart a fasin pensâ che la Apocalìs e seti une vore dongje"

da "Des Americhis par continuâ une magjie cun lidrîs profondis" di Angelo Floramo

"daûr lis maseriis a finivin di murî i ultins, di peste, e intor al cresseve il desert"

da "Cuel Valâr" di Dino Virgili

peste s.f.
(pes-te)

Fenomen storic o sociâl une vore negatîf (fig.)

sinonimi

cancar, flagjel, plaie

esempi

"il terorisim, cheste peste dal nestri timp, nus invelegne la vite, nus gjave ogni sorte di sigurece, nus met in forsit ducj i nestris progjets"

da "Plui conversion che repression" di Antoni Beline

peste s.f.
(pes-te)

Persone o ancje bestie che no si rive a sopuartâ (fig.)

sinonimi

mostri, trement, osti, ostie, birbe, osteât

esempi

""Oh, ce peste di frute!" e comentà sô agne Gjeme, spacant lis spalis"

da "Trê feminis" di Gianni Gregoricchio

"agne Mabile la Sorane che si è fate parâ fûr di cjase di ducj i siei fîs, parcè che e je une peste di femine, une sbilfe grintose"

da "Lis predicjis dal muini" di Josef Marchet

"«Un gjatat», a disevin tal borc, «une peste, une furie», che no si lassave vicinâ di nissun"

da "Il gjat" di Meni Ucel

peste s.f.
(pes-te)

Materiâl de piês cualitât o ancje sostance che e fâs mâl

sinonimi

porcarie, cragne, mierde

esempi

"formadis fats cun pestis che al è un spieli!"

da "Sofisticazions" di Meni Ucel

peste s.f.
(pes-te)

Puce une vore fuarte, odôr che no si rive a sopuartâ

sinonimi

fetôr, pestilence, puce, malodôr, tuf

esempi

"chê peste di sudôr, di bago, di sporc a fasevin riviel"

da "La aghe da pît la cleve" di Dino Virgili

"un sporc, une peste di lisp e di stiç di fâ gomit"

da "Amîs come prime" di Alan Brusini

monolingue