Tu âs cirût la peraule
monolengâl
torne indaûr

monolengâl

potence s.f.
(po-ten-ce)
Il jessi potent, il vê la fuarce di produsi efiets
sinonims
podê, possance, fuarce
esemplis
"une sapience lontane tal timp ma dongje dal om e che vuê, denant de potence de nestre sience, si inludisi che no coventi plui"
gjavât fûr di "Un avignî vert e sustignibil" di Redazion La Patrie dal Friûl
Viôt ancje: potenzie
potence s.f.
(po-ten-ce)
Fuarce politiche, economiche e sim. di un grup, di un complès, di une nazion e v.i.
sinonims
fuarce
esemplis
"i caporions dai partîts talians - gjavant cualchidun - no vuelin savê di autonomiis che ur puartaressin vie lis jevis nazionâls de lôr potence"
gjavât fûr di "M la autonomie" di Josef Marchet
"une gnove forme di autonomie dal Imperi si disvilupe pe contee principescje di Gardiscje, cuistade di un cjasât di grande potence economiche e politiche tant che chel dai Eggemberg"
gjavât fûr di "Autonomie tal Friûl austriac" di Ferruccio Tassin
"i siôrs dal cjistiel a usavin a meti fûr, in segn de lôr potence e ricjece, une lungje cjadene di aur"
gjavât fûr di "Lis leiendis di Buie" di Pieri Menis
potence s.f.
(po-ten-ce)
Energjie fisiche
sinonims
energjie, fuarce, gnerf, virtût, vivôr
esemplis
"la potence dai lôr cuarps, e la bondance dal desideri, a jemplavin il vueit des peraulis mancjantis tal vocabolari dal cûr"
gjavât fûr di "Cuant che il cûr nol cjate peraulis" di Nello Malisano
potence s.f.
(po-ten-ce)
Fuarce e incisivitât espressive, artistiche e sim.
sinonims
eficacitât, fuarce, gnerf, incisivitât, inzen, sgrimie, viamence, intensitât
esemplis
"la forme ‘popolâr' di scrivi di Beline e je sì intal so complès di straordenarie potence espressive"
gjavât fûr di "Memoriis di politiche linguistiche" di Adrian Cescje
potence s.f.
(po-ten-ce)
[TS] (filos.) Pussibilitât di produsi o di vê un mudament
potence s.f.
(po-ten-ce)
[TS] (fis.) Lavôr di une o plui fuarcis intune unitât di timp
potence s.f.
(po-ten-ce)
[TS] (mat.) In aritmetiche e algjebre, prodot di un numar, clamât base, moltiplicât par se stes lis voltis segnadis di un altri numar, clamât esponent
potence s.f.
(po-ten-ce)
Ancje cun iniz. maiusc., entitât sorenaturâl
esemplis
"une dimension invisibile, magjiche, dulà che a vevin il lôr nît lis Potencis spirituâls che a devin fuarce e vite a dut chel che al esisteve"
gjavât fûr di "Prime di sere" di Carlo Sgorlon
"clamâ su la assemblee il jutori di cualchi potence dal cîl"
gjavât fûr di "Papis e antipapis. Cividât, 1409. L’omaç dal Concili a Gregori XII" di Angelo Floramo
torne sù