Hai cercato la parola
monolingue
Torna indietro

monolingue

presentâ v.tr.
(pre-sen-tâ)
Fâ cognossi cdn. a cdn. altri o a plui di lôr
sinonimi
fâ cognossi
esempi
"tal afâr di une setemane, mi veve presentât a ducj i siei amîs"
da "Pre Pitin" di Antoni Beline
"il perît al presentà Eliseo a trê cuatri operaris che a jerin li vicin, e ur disè di mostrâi ce che al veve di fâ"
da "Prime di sere" di Carlo Sgorlon
presentâ v.tr.
(pre-sen-tâ)
Fâ cognossi, fâ viodi al public midiant di cerimoniis uficiâls, incuintris, conferencis e v.i.
sinonimi
fâ cognossi, mostrâ
esempi
"o soi lât ator intune vore di paîs dal Friûl par presentâ il libri e cussì o ai vût mût di sintî di prime man ce che la int furlane e pense"
da "Il cjâf dai furlans" di Franc Fari
presentâ v.tr.
(pre-sen-tâ)
Condusi une manifestazion, un spetacul
sinonimi
condusi, puartâ indenant, rezi, tignî in pîts
esempi
"al presentarà la serade [dal concierton di Suns], pal secont an di file, Doro Gjat"
da "Il Covid 19 nol ferme Suns Europe" di Redazion La Vita cattolica
presentâ v.tr.
(pre-sen-tâ)
Someti ae atenzion, valutazion, aprovazion e v.i. di cdn. o di un orghin colegjâl o istituzionâl o sim.
sinonimi
descrivi, pandi, esplicâ, spiegâ
esempi
"in chest articul noaltris o presentarìn lis proprietâts di base dai neurons spieli intai primâts no umans e intal om, daspò o presentarìn une teorie di disvilup dal lengaç che e je in relazion cu lis proprietâts dai neurons spieli"
da "Speculazions su la origjin dal lengaç" di Giacomo Rizzolatti, Laila Craighero
"la Zonte regjonâl e je clamade a presentâ ogni an une relazion in Consei sui progrès inte metude in vore de leç"
da "Sot atac l'avignî de lenghe furlane" di Carli Pup
presentâ v.tr.
(pre-sen-tâ)
Fâ vê ae autoritât un document, une domande e v.i., par che al sedi verificât, tignût in cont, par che al judi a inviâ une procedure o sim.
sinonimi
fâ, puartâ
esempi
"l'om i spieghe che al à intenzion di presentâ une domande di pension di vuere pe femine, e che par chel i covente la cjarte"
da "Dirits" di Meni Ucel
"o vevi presentadis sedi denunziis penâls sedi denunziis civîls"
da "Interviste a Amato De Monte" di Christian Romanin
Torna in Cima