Hai cercato la parola
monolingue
Torna indietro

monolingue

preson s.f.
(pre-son)
Struture dulà che lis autoritâts a sierin cui che al è stât condanât o che al è dome suspietât di un delit grâf
sinonimi
casnà, cjaponarie, galere, penitenziari, scjaipule
esempi
"e je une bataie pai dirits civîi e umans: no si pues tignî un om in preson cence un procès"
da "Un Friûl difarent: i 90 mhz di Onde Furlane" di Max Mauro
"al à passade la vite par chês presons - une condane daûr la altre, simpri plui cjalcjadis par vie des ricjadudis"
da "Lis predicjis dal muini" di Josef Marchet
Vedi anche: pereson, parason
preson s.f.
(pre-son)
Puest che nol permet di scjampâ
esempi
"restant siarât il pes in preson, vadin a cjapâlu ne la matina, cuant che al resta senza aga"
da "Il me paîs" di Federigo Comelli
"tant che un vieli uciel di scjaipule, che se lu molais, al fâs une svoletade pal bearç e po al torne di bessôl te sô preson"
da "Il manarin tal cûr" di Josef Marchet
preson s.f.
(pre-son)
Ambient opressîf
sinonimi
chebe, scjaipule, sierai, stie
esempi
"al sintive la dibisugne prepotente di jessi di chê preson, dulà che sô mari, come un brigadîr cence cûr, e comandave, e tignive in man lis clâfs e il baston"
da "Chei di Muraie" di Pieri Menis
"cualchi sodisfazion, si à di cjatâle ancje in cjase, par no che la cjase e deventi une preson"
da "Lis predicjis dal muini" di Josef Marchet
preson s.f.
(pre-son)
[TS] (zûcs) In cierts zûcs, lûc là che si à di stâ in spiete di sei liberâts
proverbi
"cui che al robe pai altris al va in preson par se"
"il lari piçul al va in preson"
"la galere e la preson no fâs mai nissun di bon"
"la preson no fâs mai nissun di bon"
"la preson no je fate pai mus"
"ni la malatie ni la preson no àn mai fat un galantom"
"ni par tuart ni par reson no stâ lassâti meti in preson"
"par tuart o par reson al è simpri mâl lâ in preson"
"robe une gjaline ti mandin a la ghiliotine, robe un milion no tu vâs nancje in preson"
Torna in Cima