SuperDizionari

prodot s.m.
(pro-dot)

Ce che al ven fûr di un procès naturâl o di un lavôr uman, industriâl o artesanâl, spec. intindût tant che robe di consum e di marcjât

esemplis

"valorizâ il puest dal consumadôr e la sielte dai prodots seont criteris etics e su la fonde dai dirits fondamentâi dal om"

gjavât fûr di "Guide par un consum just e solidâl" di Buteghe dal Mont, Luche Nazzi

"come il sun di une marche al pues provocâ ciertis percezions dal prodot, un lengaç al pues stimolâ associazions"

gjavât fûr di "Lenghe e sielte de alimentazion di bande dal consumadôr" di Franco Rosa

"vie pal 2009, “import” e “export” regjonâl dai prodots di len a son calâts"

gjavât fûr di "Dal setôr dal len un dramatic chivalì" di Redazion il Diari

"lat e altris prodots derivâts dal lat, tant che jogurt e formadis"

gjavât fûr di "Ocjo ai vues!" di Guglielmo Pitzalis

prodot s.m.
(pro-dot)

Ce che al risulte di un procès biologjic, fisic, chimic e v.i.

sinonims

risulte

esemplis

"il plutoni al à di jessi separât dal combustibil esaurît dal reatôr, che al à prodots di fission une vore radioatîfs"

gjavât fûr di "Un mont cence armis nucleârs. Sfidis sientifichis e tecnologjichis" di Alessandro Pascolini

prodot s.m.
(pro-dot)

In sens gjeneric, consecuence, efiet (fig.)

sinonims

consecuence, efiet, risulte, risultât

esemplis

"il racket al è il prodot di un altri ambient, di une culture là che il lari, il traficant, il plurisassin a vegnin riverîts"

gjavât fûr di "Racket: o sin te vuate" di Riedo Pup

prodot s.m.
(pro-dot)

[TS] (mat.) Risultât de moltiplicazion

esemplis

"il prodot di dôs o plui potencis che a àn la stesse base al è compagn a une potence che e à par base chê comune aes potencis e par esponent la sume dai esponents"

gjavât fûr di "La potence di un numar naturâl" di Matteo Fogale

monolengâl