Hai cercato la parola
monolingue
Torna indietro

monolingue

prodot s.m.
(pro-dot)
Ce che al ven fûr di un procès naturâl o di un lavôr uman, industriâl o artesanâl, spec. intindût tant che robe di consum e di marcjât
esempi
"valorizâ il puest dal consumadôr e la sielte dai prodots seont criteris etics e su la fonde dai dirits fondamentâi dal om"
da "Guide par un consum just e solidâl" di Buteghe dal Mont, Luche Nazzi
"come il sun di une marche al pues provocâ ciertis percezions dal prodot, un lengaç al pues stimolâ associazions"
da "Lenghe e sielte de alimentazion di bande dal consumadôr" di Franco Rosa
"vie pal 2009, “import” e “export” regjonâl dai prodots di len a son calâts"
da "Dal setôr dal len un dramatic chivalì" di Redazion il Diari
"lat e altris prodots derivâts dal lat, tant che jogurt e formadis"
da "Ocjo ai vues!" di Guglielmo Pitzalis
prodot s.m.
(pro-dot)
Ce che al risulte di un procès biologjic, fisic, chimic e v.i.
sinonimi
risulte
esempi
"il plutoni al à di jessi separât dal combustibil esaurît dal reatôr, che al à prodots di fission une vore radioatîfs"
da "Un mont cence armis nucleârs. Sfidis sientifichis e tecnologjichis" di Alessandro Pascolini
prodot s.m.
(pro-dot)
In sens gjeneric, consecuence, efiet (fig.)
sinonimi
consecuence, efiet, risulte, risultât
esempi
"il racket al è il prodot di un altri ambient, di une culture là che il lari, il traficant, il plurisassin a vegnin riverîts"
da "Racket: o sin te vuate" di Riedo Pup
prodot s.m.
(pro-dot)
[TS] (mat.) Risultât de moltiplicazion
esempi
"il prodot di dôs o plui potencis che a àn la stesse base al è compagn a une potence che e à par base chê comune aes potencis e par esponent la sume dai esponents"
da "La potence di un numar naturâl" di Matteo Fogale
proverbi
"il semenâ tart se al fâs bon prodot e je une sorte"
Torna in Cima