SuperDizionari

program s.m.
(pro-gram)

Scheme di ce che si vûl o ce che si à di fâ, dal procedi e de direzion di lâi daûr, dai obietîfs e dai mieçs che si intint di doprâ par rivâ a un obietîf, tant a nivel individuâl, che aziendâl, nazionâl e v.i.

esempi

"chest program enunziât dal professôr Renzi al è propit chel che o vin adotât in chest lavôr: aplicazion dal principi de grafie unitarie e des regulis di pronunzie diferentis, adozion de grafie de Societât Filologjiche Furlane come pont di partence [...] e adozion de coinè tradizionâl come varietât di riferiment"

da "La grafie furlane normalizade – Introduzion" di Xavier Lamuela

"Wernher von Braun, o ben il pari de missilistiche e un dai fondadôrs dal program spaziâl american"

da "Associazion dal Centri Radio Astronomic de Mont di Muris di Ruvigne" di Gloria Angeli

program s.m.
(pro-gram)

Idee, progjet di realizâ

sinonimi

dissen, plan, progjet, proposizion, propueste

esempi

"al stave par lâ in feriis e no se spietave che un muart i vignìs a butâ pal aiar i programs di setemanis di sflacje sportive a pescjâ in Jugoslavie"

da "Ah! la provincie" di Sandri Di Suald

program s.m.
(pro-gram)

Complès di ativitâts che a van daûr di ce che al jere previodût

esempi

"la visite de glesie fo la plui biele part dal program"

da "La Madalene" di Zuan Lurinçon

program s.m.
(pro-gram)

Liste di rapresentazions, spetacui, garis o altris manifestazions publichis previodudis intun ciert timp, intune stagjon o intune serie di incuintris

sinonimi

agjende, cartelon

esempi

"dut il program dal festival al è stât cambiât e no si sa cui che al sune"

da "La maree nere" di Checo Tam

program s.m.
(pro-gram)

Trasmission televisive o radiofoniche

esempi

"diviers programs radiofonics si puedin scoltâ ancje in streaming e in podcast"

da "La lenghe furlane tai mieçs di comunicazion" di Erika Adami

program s.m.
(pro-gram)

[TS] (scol.) Plan de ativitât didatiche che un insegnant o lis autoritâts scolastichis a decidin di davuelzi intun o plui cors seguitîfs di un ciert ordin di scuele

esempi

"si cjate dut pront: locâi, libris, programs. La scuele e je une vore ordenade"

da "I furlans e il mestri" di Riedo Pup

"i programs de Istruzion Publiche a tindevin a dislidrisâ de scuele lis influencis dai dialets"

da "Il furlan tes scuelis e te universitât" di Odorico Serena

program s.m.
(pro-gram)

[TS] (polit.) Complès dai criteris e dai obietîfs che su chel si fonde la azion di un partît o di un guvier

esempi

"i eletôrs a puedin restâ indiferents a programs politics che a tindin a rinfuarcî l'autoguvier o lis cundizions socioeconomichis dal teritori, ma a àn lis orelis ben spiçadis rivuart a programs politics che a vuelin comprimi e peiorâ chês cundizions"

da "Il risultât eletorâl dai partîts di identitât teritoriâl - A case study: Scottish National Party" di Sergio Cecotti

program s.m.
(pro-gram)

Spec. inte sfere religjose, artistiche, leterarie e sim., formulazion di criteris, opinions e obietîfs di nature divierse, fate come presentazion o propagande di une corint, di un grup e v.i.

sinonimi

manifest

esempi

"[il grup artistic furlan dal prin Nûfcent] al jere tignût adun plui che di programs declarâts, di resons di afinitâts inteletuâls"

da "Storie de art in Friûl" di Bepi Agostinis

program s.m.
(pro-gram)

[TS] (inform.) Secuence di istruzions scritis intun lengaç di programazion

esempi

"intal 2008 e soredut intal 2009 a son stadis puartadis insom dutis lis operazions par rivâ al program “Jude3”. Al è un vêr tradutôr a trasferiment "

da "Jude - Traduzion automatiche dal talian al furlan" di Sandri Carrozzo, Franz Feregot

program s.m.
(pro-gram)

[TS] (tecn.) Intai eletrodomestics cul cicli automatic, secuence di operazions

esempi

"selezionâ il program de machine di lavâ"

monolingue