SuperDizionari

monolingue

proponi v.tr.
(pro-po-ni)

Presentâ alc, spec. une iniziative, une ativitât e v.i., a cdn. par viodi se e ven acetade, fate buine, metude in vore e v.i.

sinonimi

conseâ, presentâ, meti fûr, sugjerî, segnalâ

esempi

"la femine e cjacarave, e cjacaronave, i dave conseis, i proponeve curis, ma lui nol stave a sintîle"

da "Tal ospedâl" di Amedeo Giacomini

"un consei comunâl nol po fâ nuie di nuie di sô autoritât: al po nome proponi cualchi proviodiment, che il prefet al aprovarà o nol aprovarà"

da "No sin contents!" di Josef Marchet

proponi v.tr.
(pro-po-ni)

Presentâ tant che ipotesi

sinonimi

prossumâ, meti, sugjerî

esempi

"[pal document "De attentione"] D'Aronco al va daûr di Cuargnâl e di date al propon ce plui ce mancul il 1440"

da "Cualchi ipotesi sul furlan di prin di scrivilu" di Zorç Cadorin

"Gjilbert Pressac si veve proponût di motivâ il titul, schiarazzola marazzola, cun cheste etimologjie: [...] charax par schiarazzola, ancjemò presinte tal furlan moderni scjaraç, ven a stâi racli, baston, e marathon, che par grêc antîc al voleve dî fenoli, par marazzola"

da "Benandants e Terapeutis / Terapeutidis" di Sandri Carrozzo

proponi v.tr.
(pro-po-ni)

Meti a disposizion, meti sot de atenzion

sinonimi

presentâ, promovi, pandi

esempi

"isal pussibil, ven a stâi proponi tal forest tescj di grancj autôrs furlans?"

da "Interviste a Ivan Cecchini" di Dree Venier

proverbi

"l'om al propon e Diu al dispon"

Torna in Cima