Hai cercato la parola
monolingue
Torna indietro

monolingue

protocol s.m.
(pro-to-col)
(diplom.) Complès des formulis iniziâls di un document, prin dal test che al à dentri i contignûts
protocol s.m.
(pro-to-col)
(st.dir.) Libri dulà che une volte i nodârs a scrivevin il test che a vevin di regjistrâ
protocol s.m.
(pro-to-col)
(burocr.) Regjistri che a doprin lis aziendis privadis e i uficis publics par notâ in ordin cronologjic i documents e lis letaris che a jentrin e a jessin
esempi
"tignî e menâ in bon ordin il protocol di corispondença"
da "Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera" di Antoni Brumat
protocol s.m.
(pro-to-col)
Document che al à il test di un acuardi tra istituzions o coletîfs sociâi o ancje ents privâts
sinonimi
acuardi, intese
esempi
"la Austrie no rive adore a diminuî lis emissions, daûr dal protocol di Kyoto"
da "Di plui di 10 agns in ca, i todescs a fasin il plen in Austrie" di Janez Erat
"il Protocol di colaborazion transfrontaliere, li che e jere ricognossude la dibisugne di inviâ une colaborazion integrade tra Universitâts e Sanitât, cuntune planificazion vierte ae partecipazion di sogjets publics e privâts, prin di dut la realtât academiche di Triest, Udin e Lubiane"
da "Sanitât cence confins pal Gurizan" di Nicolò Fornasir
"al è stât firmât il protocol di intese tra la Eccher Music e la Folkest Dischi, par fâ jessî insiemit une schirie di discs an par an, cun chê di valorizâ in particolâr la produzion popolâr furlane"
da "Musiche di esportazion" di Mauro Missana
protocol s.m.
(pro-to-col)
[TS] (dir.) Complès di regulis par fâ documents diplomatics
protocol s.m.
(pro-to-col)
[CO] (dir.) Complès di regulis pal cerimoniâl diplomatic
protocol s.m.
(pro-to-col)
[CO] (burocr.) Modalitât codificade di puartâ indevant une cierte procedure
sinonimi
dissiplinâr
esempi
"modalitâts di preparazion par rivâ a un risultât olfatîf, gustatîf, di fragrance e consistence dal prodot finâl, no puedin lâ in contrast cui protocoi stabilîts te leç pal afinament alimentâr numar 285/32"
da "Kebar krossè" di Stiefin Morat
Torna in Cima