SuperDizionari

torne indaûr

monolengâl

puçâ v.intr.
(pu-çâ)

Fâ un odôr trist

esemplis

"farine viere che e puçave di musar"

gjavât fûr di "La aghe da pît la cleve" di Dino Virgili

"al jere sudât, e, cun rispiet fevelant, al puçave, puaret"

gjavât fûr di "Lis leiendis di Buie" di Pieri Menis

Viôt ancje: spuçâ

puçâ v.intr.
(pu-çâ)

Dâ une cierte impression negative (fig.)

sinonims

nasâ, nulî

esemplis

"chel rispiet che al puçave di fals e di sorade, di lontanon"

gjavât fûr di "Il muc" di Roberto Ongaro

"chel zentilom al puçave di massonarie"

gjavât fûr di "Un cuatri in italian" di Pieri Somede dai Marcs

puçâ v.intr.
(pu-çâ)

Fâ nassi dubis, suspiets (fig.)

esemplis

"finî simpri par vuadagnâi parsore. Parfin in afârs che nissun si impaçave, che a puçavin"

gjavât fûr di "Par stradis lungjis" di Alan Brusini

puçâ v.intr.
(pu-çâ)

Risultâ disgrât, dâ fastidi (fam.)

sinonims

infastidî, secjâ, stufâ

esemplis

"i puçave di fâ dut fûr che stâ sentât a fevelâ saldo di mangjative"

gjavât fûr di "I universitaris" di Alan Brusini

"a lui no i puçave il lavôr. Al diseve simpri che al jere nassût cui cai tes mans"

gjavât fûr di ""Nocent"" di Maria Forte

puçâ v.intr.
(pu-çâ)

Fâ un odôr ancje no trist

sinonims

nasâ, nulî

esemplis

"chei piarçui a jerin tant biei tes casselis e la int a lavin intorjur, che a puçavin di bon odôr par dut il marcjât"

gjavât fûr di "Piarçui" di Meni Ucel

detulis

"cui che al mangje ai i puce il flât"

"cui che al puce al sminuce, cui che al nase al travase"

"il pes al scomence a puçâ tal cjâf"

"la mierde che e monte in scagn o che e puce o che e fâs dam"

"la mierde che e salte in scagn o che e puce o che e fâs dam"

"la trope umiltât e puce di supierbie"

"masse cortesanie e puce di ingjan"

"mierde montade in scagn o che a puce o che a fâs dam"

"plui si messede e plui e puce"

"se nol puce di Vierte, di Atom nol nase bon"

torne sù