SuperDizionari

reâl adi.
(re-âl)

Che di fat al esist

sinonims

autentic, dret, materiâl, patoc, rampit, rût, vêr

esemplis

"il mont reâl nol è dome “relativistic”, ven a stâi basât suntun spazitimp curvât, ma al è ancje cuantistic"

gjavât fûr di "Teologjie algjebriche" di Sergio Cecotti

"in gjenerâl, ma in particolâr in Italie e in Friûl, lis leçs a dimostrin in maniere sistematiche di jessi in ritart rispiet ae societât reâl"

gjavât fûr di "Planificazion debile e mont privât" di Sandri Carrozzo

reâl adi.
(re-âl)

Che al corispuint pardabon a un concet, a ce che al è stât pensât, volût, a ce che al è stabilît, a ce che si spietisi e v.i.

sinonims

vêr, autentic

esemplis

"la aprovazion de Leç regjonâl sul leasing agjevolât (1976) e su la ricercje aplicade e la inovazion tecnologjiche (1978), dôs novitâts reâls tal panorame talian"

gjavât fûr di "Il futûr dal Friûl: laude ae “no sotan” economy" di Fulvio Mattioni

reâl adi.
(re-âl)

Che al pues sucedi pardabon

sinonims

obietîf, realistic

esemplis

"une prospetive reâl"

reâl adi.
(re-âl)

[TS] (gjeom.) Di entitât, che e je formade di ponts che a àn coordenadis individuadis di numars reâi

reâl adi.
(re-âl)

[TS] (filos.) Che il so jessi al è indipendent dai sogjets che lu cognossin

sinonims

sussistent

reâl adi.
(re-âl)

[TS] (dir.) Che al rivuarde ce che al à valôr juridic

reâl adi.
(re-âl)

[TS] (econ.) Che al rivuarde il valôr economic obietîf di un ben

monolengâl