Hai cercato la parola
monolingue
Torna indietro

monolingue

recuperâ v.tr.
(re-cu-pe-râ)
Tornâ a vê o a cjapâ alc, sedi materiâl che imateriâl, pierdût, robât, bandonât, slontanât e v.i.
sinonimi
ripiâ
esempi
"o soi sigûr che el Labia al veve metude prime une rêt sot da la aghe par ricuperâ el tesaur di scuindon!"
da "Viaç a Vignesie" di Arturo Feruglio
"al sintive la dibisugne di sbrocâsi, scuasit di recuperâ ce che al veve pierdût, il timp e lis ocasions"
da "Aiar di cjase" di Franca Mainardis
"par recuperâ competitivitât e tornâ a inviâ il disvilup si à di inventâ gnûfs prodots e gnûfs modei di produzion e di consum"
da "Euro o no euro: isal chest il probleme?" di Patrizia Tiberi Vipraio
Vedi anche: ricuperâ
recuperâ v.tr.
(re-cu-pe-râ)
Tornâ a jessi bon di fâ alc, tornâ a vê une facoltât, une capacitât e v.i. (fig.)
sinonimi
cjatâ, tornâ a cjatâ, tornâ a vê
esempi
""O sês ca, vô?" al disè Berto a pene che al podè recuperâ la vôs. "Ma cemût..?""
da "Trê feminis" di Gianni Gregoricchio
"il sium [il durmî] al à une funzion une vore impuartante par recuperâ la fuarce"
da "Il cjâf dai furlans" di Franc Fari
"se chest zovin al à recuperât alc, al significhe che nol jere in stât vegjetatîf"
da "Interviste a Amato De Monte" di Christian Romanin
recuperâ v.tr.
(re-cu-pe-râ)
Dâ dongje alc che al pues coventâ o tornâ a jessi doprât (ancje fig.)
sinonimi
dâ dongje, meti adun, racuei
esempi
"il ricercjadôr al pues recuperâ ancje informazions statistichis di diviersis fatis"
da "Corpus linguistics" di Vladimir Petkevic
"lis pignatis grandis e lis taulis lis ai recuperadis jo che o lavoravi te scovacis, dute robe che a butavin vie des casermis militârs"
da "Jo e Graziella" di Mario Beltramini
recuperâ v.tr.
(re-cu-pe-râ)
Cjatâ un repert
sinonimi
cjatâ fûr, cjatâ, tirâ fûr
esempi
"tai sgjâfs [in Pramuel] a àn recuperât plui di trê mil manufats di siliç"
da "Marilenghe te scuele 2014" di AAVV
recuperâ v.tr.
(re-cu-pe-râ)
Tornâ a integrâ te societât, tal lavôr e v.i. cdn. che par cualchi reson al jere intune situazion di esclusion
esempi
"une cooperative che si impegne a recuperâ tossicodipendents"
recuperâ v.tr.
(re-cu-pe-râ)
Fâ intun secont moment o intun altri moment ce che nol è stât fat tal so timp just o normâl o previodût
esempi
"lis oris pierdudis [cul no lâ a scuele di sabide] a podaressin jessi recuperadis vie pe setemane [...]: une in dì di martars a vinars"
da "Fâ e disfâ, dut un lavorâ" di Riedo Pup
recuperâ v.tr.
(re-cu-pe-râ)
Fâ in maniere di tornâ a pâr rispiet a un disvantaç, a di une pierdite di di timp, di strade e v.i. (ancje ass.)
esempi
"l’Udin [in vantaç 1 - 0] al cîr di fâ la partide e il Genoa al reste in spiete, cirint di no vê ancjemò fastidis e di provâ a gafâ la ocasion buine par recuperâ"
da "Udinese – Genoa 1-0" di Marc Stolf
Torna in Cima