Hai cercato la parola
monolingue
Torna indietro

monolingue

resisti v.intr.
(re-sis-ti)
Fâ cuintri cu la sô fuarce ae fuarce di cdn. altri o di alc altri
sinonimi
fâ cuintri, oponisi, contrastâ
esempi
"lu bechin a pronunziâ a vôs alte peraulis ofensivis cuintri dal Guvier, viliac e incivîl, dai gjenerâi talians che a son mangjons [...]; in plui al resist al arest"
da "Felix Marchi, un soversîf de "Grande Vuere"" di Donato Toffoli
resisti v.intr.
(re-sis-ti)
Oponisi al volê, aes domandis, aes pretesis, ae prepotence di altris
sinonimi
fâ cuintri, oponisi, rezi, tignî, tignî bote, tignî pont, tignî bot
esempi
"no veve savût resisti a la insistence di lui e al so desideri. In ogni câs, al jere stât biel; plui biel di ce che si spietave"
da "Il muc" di Roberto Ongaro
"se la autoritât temporâl no rispiete lis leçs naturâls e divinis, il popul al à il dirit di resisti"
da "La invenzion dal stât" di Fabian Ros
resisti v.intr.
(re-sis-ti)
Oponisi cu la volontât o cu la reson a di une dibisugne fisiche, a un istint, a di une passion e v.i.
sinonimi
fâ cuintri, oponisi, tignî, tignî bot, tignî bote, tignî pont
esempi
"no rivai a resisti a la tentazion almancul di vierzi mieç voli, par trê seconts e al fo propit in chei trê seconts che mi cjatai devant l'orôr"
da "Sense" di Checo Tam
"la zovina [...] no podint plui resisti al sun, si ja induarmidît"
da "Il farc" di Giovanni Luigi Filli
resisti v.intr.
(re-sis-ti)
Restâ salt intune situazion dificile, dolorose, sfadiose e v.i.
sinonimi
tignî, tignî bot, tignî bote, tignî pont
esempi
"la cjarie gnervose che lu sostignive e che lu veve fat resisti ai dolôrs e a la fadie fin in chel moment, si sfantà"
da "Il muc" di Roberto Ongaro
"i pizighets bisugne che a bevin, se no a fâ cierts lavôrs cemût si puedial resisti?"
da "Doi pizighets e un lari" di Pieri Menis
"provâ cui che al resisteve di plui cuintri la corentie o cul cjâf sot aghe"
da "Tal Cuar" di Lucio Perès
resisti v.intr.
(re-sis-ti)
No cambiâ, no sparî
sinonimi
rezi, tignî dûr, restâ, tignî bot, durâ, lâ indenant
esempi
"i resisteve dentri la voie di scancelâ lis umiliazions patidis cul fâ viodi ce che e saveve e dulà che e podeve rivâ"
da "Cjase di Dalban" di Maria Forte
resisti v.intr.
(re-sis-ti)
Di un organisim o di un orghin, no vê efiets negatîfs o no vê efiets mortâi di ciertis sostancis o di cierts altris organisims o di ciertis situazions ambientâls
sinonimi
rezi, tignî dûr, tignî bot
esempi
"i siei budiei strents e suiâts par agns di magri, a scomençarin a no resisti [al mangjâ gras]. Lôr par prins. A voltis i fasevin mâl"
da ""Nocent"" di Maria Forte
"[vîts selezionadis de Universitât dal Friûl] a resistin apont di Unvier a un frêt un pôc plui fuart che no lis varietâts normâls"
da "Sclesis 12/11/2020" di Enrico Peterlunger
resisti v.intr.
(re-sis-ti)
Di materiâi o manufats, mantignî lis lôr funzions e la lôr struture a pet di pression, trazion, temperadure e v.i.
sinonimi
tignî, tignî bot, tignî dûr, condurâ
esempi
"cuistion di pôcs minûts e ancje la tute protetive no varès plui resistût al fûc, si sarès disfate"
da "Il testemoni" di Checo Tam
"i reatôrs di Fukushima a son costruîts sul cret e progjetâts par resisti ai taramots previodûts su base storiche, come ducj i reatôrs gjaponês"
da "Il disastri de centrâl nucleâr di Fukushima Dai-ichi" di Alessandro Pascolini
"il flum al jere lât parsore, ancje se i parepets a vevin resistût"
da "Ombris tal infinît" di Carlo Sgorlon
Torna in Cima