SuperDizionari

riferî v.tr.
(ri-fe-rî)

Meti in relazion

esempi

"une sielte di grafie cence riferîle a une lenghe comune e a une stabilizazion de morfologjie e sarès stade çuete"

da "Memoriis di politiche linguistiche" di Adrian Cescje

riferî v.tr., v.intr.
(ri-fe-rî)

Fâ savê a altris une informazion o un messaç, ancje puartantlu par cont di cdn. altri

sinonimi

comunicâ, contâ, dî, motivâ, palesâ, pandi, partecipâ, puartâ, ripuartâ, fâ savê

esempi

"i «Ricordi militari del Friuli» di E. Dagostini [...] al riferìs un grum di particolârs e al met adun une biele vore di documents"

da "Cuintristorie dal Friûl dal 1866 fint in dì di vuê" di Josef Marchet

"lu mandarin prin a fâ l'osservadôr sul cjampanili de plêf di Feagne par che al riferissi al comant (che al jere propit tal paîs) su la ativitât che si induvinave cui fums e cui colps sul Cjars"

da "Vigji il vuardian" di Lucio Perès

riferî v.intr.
(ri-fe-rî)

Di percezion, di mût di stâ fisic o ancje di malstâ, fâsi sintî intune cierte maniere o intun ciert pont, soredut secondari rispiet a chel principâl

sinonimi

riferîsi

esempi

"al veve metude une man sul cûr che al sbalçave e lui sal sintive a sbalçâ come un crot dentri de cjamese e i riferive tai timplis"

da "La aghe da pît la cleve" di Dino Virgili

"il dolôr mi riferìs fin te schene"

da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali

monolingue