SuperDizionari

rimit adi., s.m.
(ri-mit)

Che, cui che, soredut par sielte religjose, al vîf isolât, lontan di ducj

esempi

"rimits che a vivevin tal desert, intune desolazion totâl, che a voltavin lis spalis di pueste a dut chel che al jere di atratîf te vite"

da "Il dolfin" di Carlo Sgorlon

"il rimit Cjandit si fermà tal çondar di chel cret che si jeve a tramontane sul spieli dal lâc, a preâ, a zunâ, a fâ pinitince, lassant in bande lis trainis e lis rapinis dal mont"

da "La gnot di Sant Cjandit" di Josef Cjargnel

Vedi anche: eremit, eremite, romit, remit

rimit adi.
(ri-mit)

Di esistence, puartade indevant lontane di chei altris

esempi

"o ai simpri fat une vite ritirade, rimite"

da "Cretevierte" di Roberto Ongaro

rimit adi.
(ri-mit)

Che al è plui o mancul lontan dai puescj dulà che e vîf la int o la plui part de int

sinonimi

bessôl, desert, pierdût, solitari, imbusât

esempi

"Zuanat, su la ore di gnot, al veve scjavaçât fûr pai passadôrs dal Luri e po sù pai roncs, fin alì dai Cjasâi di Cleve, rimits in cuc dal cuel"

da "La aghe da pît la cleve" di Dino Virgili

"oris di strade in machine par stradis di mont rimitis"

da "In chê dì da lis mês gnocis" di Piero Fantoni

monolingue