SuperDizionari

monolingue

rispietâ v.tr.
(ris-pie-tâ)

Considerâ e tratâ cun stime, rivuart, riverence

esempi

"o vin di vê chê: che nus rispietin chei altris cuant che nô o sin dispuescj a rispietâju lôr"

da "Mai separâ la religjon de vite, Diu dal mont, l'om di Diu" di Francesc Placerean

"tai ultins vincj agns, lis personis si son fatis plui studiadis e a àn tornât a discuvierzi e a rispietâ lis lôr lidrîs"

da "Interviste a Giannola Nonino" di Dree Venier

Vedi anche: rispetâ

rispietâ v.tr.
(ris-pie-tâ)

Evitâ di fâ dams, di violâ, di lâ cuintri i dirits, la dignitât, il valôr di cdn. o di alc

sinonimi

salvâ, sparagnâ

esempi

"tal Stât talian – cemût che o savìn ben achì in Friûl – si fâs pardabon une fature mostre a rispietâ la diversitât e ancjemò prime a dâi acet e a ricognossile"

da "Un velo pietoso" di Marc Stolf

"rispietant la vite privade o procurarai di scuvierzi i altarins di ducj chei che a son, o che a vuelin montâ sul cjandelîr"

da "Florean dal Palaç, I, 1" di Guido Antonioli

rispietâ v.tr.
(ris-pie-tâ)

Lâ daûr di un ordin, di une norme, di un dogme, di une tradizion, di un impegn e v.i.

sinonimi

osservâ

esempi

"cualchidun, cuant che al dîs leç, al intint il gredei di regolaments, di disposizions, di robis scritis sepi Diu dulà, ma di scugnî fâ e di scugnî rispietâ"

da "I furlans e la leç" di Riedo Pup

"i atletis a zuravin di rispietâ lis regulis olimpichis daspò di vê sacrificât a Zeus sul altâr"

da "Viaç aes origjins dal Logos" di Adrian Cescje

rispietâ v.tr.
(ris-pie-tâ)

Tignî cun rivuart alc che al podarès vuastâsi, ve dams o fâ dams

sinonimi

salvâ

esempi

"«Avonde, avonde» dissal lui «se no ves chê gjambe che le seree... Eh , sì, venis varicosis di rispietâ e tignî di voli... »"

da "La tiere di Lansing" di Maria Forte

rispietâ v.tr.
(ris-pie-tâ)

Mantignî la corispondence cu la realtât o cuntun origjinâl, cuntun model o sim.

sinonimi

osservâ

esempi

"[tai insiums] no ven rispietade la organizazion logjiche dal spazi e dal timp"

da "Sui insiums di Aelius Aristides: une analisi neuropsicologjiche" di Anastasia Fabbro, Franc Fari

proverbi

"al vûl rispietât il cjan dal paron"

"bisugne rispietâ se si vûl sei rispietâts"

"cui che al fâs lis leçs al à di rispietâlis"

"cui che al vûl jessi rispietât che al rispieti"

"cui che nol rispiete chei altris no si rispiete nancje se stes"

"cui che nol rispiete la usance al mancje di creance"

"cui che nol rispiete se stes nol rispiete nancje chei altris"

"cui che nol rispiete se stes nol vâl un ves"

"cui che nol sa rispietâ nol è rispietât"

"rispiete se tu vûs sei rispietât"

"se Diu al vûl, bisugne rispietâ la sô sante man"

Torna in Cima