Tu âs cirût la peraule
monolengâl
torne indaûr

monolengâl

saltâ sù loc.v.
Lâ sù cuntun salt o cuntun moviment svelt
esemplis
"viôt che il gjat nol salti sù su la taule"
saltâ sù loc.v.
Lâ cuintri cuntun salt o cuntun moviment svelt
sinonims
saltâ intor
esemplis
"i cjans gji saltin sù e tun colp di man a ti lu sbranin"
gjavât fûr di "Jacumin e i trê cjans" di Dolfo Zorzut
saltâ sù loc.v.
Montâ su di une bestie o tun mieç di traspuart
esemplis
"cu lis medisinis che mi à dât e dôs cuviertis cjoltis ai merecans, assistût di chei altris, o soi rivât ancje jo a saltâ sù su chel tren viers de Italie"
gjavât fûr di "Buchenwald 1944" di Max Mauro
saltâ sù loc.v.
Dî a fuart o dal improvîs
sinonims
dâ fûr, dî, vosâ, dî sù, dâ sù, saltâ fûr
esemplis
"si derin a vogâ a trê rems, fasint fuarce al vint plui che jere pussibil. «Di ce bande zirìn?» saltà sù in chel a dî Jacum"
gjavât fûr di "Il me paîs" di Federigo Comelli
""Jo, par gno cont" al salte sù un altri "o 'nd ai tancj dai miei intes sfonderis di cjadaldiaul, e tant e tant o me la gjolt l'istès""
gjavât fûr di "La invidiose" di Luigi Gortani
saltâ sù loc.v.
Rabiâsi a colp, reagjî cun rabie o cun indignazion
sinonims
dâ sù
esemplis
"«[...] se vûl cussì va ben, e se no, che a si proviodi e che si cjati une miôr di me… ». No lu vessio mai dit! mi è saltade sù come un sborf, mi 'nd à ditis une par colôr…"
gjavât fûr di "Lassait che mi sbrochi!" di Pieri Somede dai Marcs
"se al disès - metìn a dî - un Stalin: "Fate la Grande Russie, cumò o pensarìn a fâ i rus" si saltarès sù tant che i madracs cuant che si ur pescje la code. Ma se lu dîs un talian, al è Vanzeli"
gjavât fûr di "La man e la arme" di Josef Marchet
saltâ sù loc.v.
Soredut di idee, desideri, sensazion e v.i., jessi pensât o sintût
sinonims
vignî sù
esemplis
"di Suruvier a i saltà sù al vecju da slungjâ il palaç e al clamà li femini a puartâ cjalcina e savalon par fâ malta"
gjavât fûr di "Paron Salvadi" di Novella Cantarutti
""Ma ce ti saltie sù?" "Ti daie di volte il cerviel?""
gjavât fûr di "Vie Vignesie" di Laurin Zuan Nardin
saltâ sù loc.v.
Vignî fûr tant che risultât, espression e v.i.
esemplis
"imbastî un centri di riferiment di stamp gnûf che al des rispuestis a chel che al saltave sù de societât"
gjavât fûr di "Un Friûl difarent: i 90 mhz di Onde Furlane" di Max Mauro
torne sù