SuperDizionari

scolâ v.tr.
(sco-lâ)

Bevi dut ce che al è intun recipient, massime se alcolic

sinonims

bevaçâ, bevi jù, fulminâ, suiâ, parâ jù, sfulminâ, secjâ, svuedâ, disvuedâ

esemplis

"svelt a si met une altre tace e le scole di un flât"

gjavât fûr di "Ursule" di Pieri Somede dai Marcs

"al ingrampà la sô tace e le scolà tune glotude butant il cjâf indaûr"

gjavât fûr di "La aghe da pît la cleve" di Dino Virgili

scolâ v.tr.
(sco-lâ)

Fâ cori vie licuits

esemplis

"odôrs di bisat e di seglârs che no scolin"

gjavât fûr di "La tiere di Lansing" di Maria Forte

scolâ v.tr.
(sco-lâ)

Fâ che alc, soredut alc di mangjâ cuet ta la aghe o tal brût, al resti a sut, tirantlu sù dal licuit o fasint che il licuit al cori vie

esemplis

"une altre sere le ai cumbinade gruesse, dopo che e veve fat dute la zornade i macarons, cuant che a jerin cuets i ai dit “Lasse che o ribalti jo la pignate par scolâju ”"

gjavât fûr di "Jo e Graziella" di Mario Beltramini

"bulî lis patatis in aghe a pene salade, scolâlis e passâlis intun tamês"

gjavât fûr di "Tortei di patatis cun miluçs, formadi salât di Denemonç e semencis di cevole" di Erika Adami

monolengâl