SuperDizionari

scuintri s.m.
(scuin-tri)

Colision plui o mancul violente di doi cuarps

sinonimi

impat, poc, pocade, sburt, stocade, stos, stossade, ton, tonade, trucade, trus, trussade

esempi

"la infermiere ur domande ce che al è sucedût e Toni: “Se e savès, siorute, al è stât un grant scuintri frontâl!”"

da "La fumate a fâs bruts scherçs" di Sdrindule

"al è stât un scuintri frontâl di doi trens"

scuintri s.m.
(scuin-tri)

Contrast violent, ancje armât, ancje di grancj grups

sinonimi

badaluc, barufe, bataie, combatiment, lote, vuere

esempi

"l'intervent dai merecans nol rivà a fermâ la riprese dai scuintris . Ai 29 di Avrîl dal 1919 l'armistizi al vignì rot e lis formazions armadis jugoslavis a vignìrin indenant par une buine trate dentrivie de Carintie"

da "Cemût che la Carintie e je restade austriache" di Renzo Balzan

scuintri s.m.
(scuin-tri)

Disacuardi violent, dispès verbâl, di ideis, di interès e v.i. (fig.)

sinonimi

badaluc, contrast, dadî

esempi

"il scuintri politic sul referendum costituzionâl al incrès ancje in Friûl"

da "Referendum costituzionâl: lis resons furlanis speciâls pal “no”" di Walter Tomada

"il scuintri tra Madrid e Barcelone al è chel tra cui che al difint la unitât dal stât spagnûl e cui che le met in discussion"

da "Catalogne, mobilitazion legjitime cuintri de arogance legâl" di Marc Stolf

monolingue