Hai cercato la parola
monolingue
Torna indietro

monolingue

segnâ v.tr.
(se-gnâ)
Fâ o lassâ une linie o une forme
esempi
"a jerin vignûts forestîrs cun cjalcine e pinei. A segnarin une linie blancje"
da "La cjase di Toni" di Tarcisio Venuti
"siôr Agnul al segnà une crôs, par tiere, cul stombli de scorie, propit denant dai cjavai, cuant che a stavin par partî"
da "Cjase di Dalban" di Maria Forte
"lu puartarin sù distirât suntun braç di ramacis, cul cjâf a pendolon, che al segnave la strade di sanc"
da "La aghe da pît la cleve" di Dino Virgili
segnâ v.tr.
(se-gnâ)
Fâ un simbul cuntun ciert significât o cuntun ciert valôr, par esprimi o comunicâ alc o par visâsi di alc
esempi
"tai tescj dal cinccent e dal sîscent al è frecuent di doprâ secuencis di dôs vocâls par segnâ lis lungjis"
da "La grafie furlane normalizade – Introduzion" di Xavier Lamuela
segnâ v.tr.
(se-gnâ)
Tignî cont di une cuantitât di marcjanzie o di bêçs di vê o di dâ
sinonimi
notâ
esempi
"paistu daurman o aio di segnâ?"
segnâ v.tr.
(se-gnâ)
[TS] (sport) Intai sports di scuadre, otignî un pont pe sô scuadre (ancje ass.)
sinonimi
realizâ, fâ
esempi
"mi cjati ancje bessôl cul puartîr denant, che o podarès fintâ, trai e segnâ"
da "Donald dal Tiliment" di Stiefin Morat
segnâ v.tr.
(se-gnâ)
Di un strument, mostrâ
sinonimi
marcâ, mostrâ, pandi, segnalâ
esempi
"la svee sul comodin e segnave lis siet"
da "Aiar di cjase" di Franca Mainardis
segnâ v.tr.
(se-gnâ)
Dâ la misure dal timp che al passe o di alc che al sucêt a dadis regolârs
sinonimi
misurâ
esempi
"il mont de semplice societât contadine furlane, che lu segnavin lis fiestis dai sants dal calendari e lis voris di stagjon tes campagnis"
da "Memoriis di politiche linguistiche" di Adrian Cescje
segnâ v.tr.
(se-gnâ)
Fâ ricognossi, permeti di capî, di individuâ (ancje fig.)
sinonimi
jessi, marcâ, rapresentâ
esempi
"lis cjarandis o lis filis dai morârs a segnavin lis proprietâts"
da "Ombris tal infinît" di Carlo Sgorlon
segnâ v.tr.
(se-gnâ)
Lassâ un efiet, une consecuence che si viôt (ancje fig.)
esempi
"e je une femine di pôc mancul di trente agns, un fisic magri, la muse, segnade de fadie, e je ancjemò graciose"
da "Neveade" di Marisa Moretti
"chel pôc che a àn viodût lôr ur à segnade la anime par dute la vite"
da "Sant Jacum, là che al finìs il mont" di Antoni Beline
segnâ v.tr.
(se-gnâ)
Calcolâ o fâ calcolâ in maniere negative, spec. daûr de morâl o de considerazion publiche
sinonimi
bolâ, disonorâ, marcâ, condanâ, segnâ a dêt, segnâ cul dêt
esempi
"e je clare la reson che la int mi segnave pe strade"
da "Sul florî" di AAVV
segnâ v.tr.
(se-gnâ)
Dâ indicazions o istruzions
sinonimi
descrivi, dismostrâ, mostrâ, pandi, insegnâ
esempi
"«Là sù, po, sore il borc». E rispuindè chê, segnant un troi"
da "I pagans di Muine" di Josef Cjargnel
"al procurave di no slontanâsi trop dal puest che il pari i veve segnât cun tante precision"
da "La liende dal riûl" di Franca Mainardis
segnâ v.tr.
(se-gnâ)
Decidi, definî une linie, un percors e v.i. (ancje fig.)
esempi
"il confin al è stât studiât pas par pas, dai sorestants de politiche e segnât dai stâts maiôrs des fuarcis vitoriosis"
da "La man e la arme" di Josef Marchet
segnâ v.tr.
(se-gnâ)
Fâ il segn de crôs, fâ un mot di benedizion
esempi
"lu busse, lu segne cu la crôs, al pree"
da "Funerâl a Pâl Piçul" di Pieri Menis
Torna in Cima