Hai cercato la parola
monolingue
Torna indietro

monolingue

segnâl s.m.
(se-gnâl)
Indicazion, istruzion o sim. che e pues jessi viodude o sintude
sinonimi
segn, segnalazion
esempi
"al viôt parsore di se, sul alt, i partigjans che i fasin segnâl cu la man di lâ de lôr bande"
da "Storie di Min" di Ivano Urli
"il pilot al cjalave fis tal scûr de gnot par viodi un cualchi segnâl"
da "Il muc" di Roberto Ongaro
Vedi anche: signâl
segnâl s.m.
(se-gnâl)
Element che al fâs prossumâ la presince, o la presince passade o future, di cdn. o di alc
sinonimi
jenfrisegn, olme, segn, usme
esempi
"pocâts di chei segnâi chi, o vin cirût, inte lenghe di in dì di vuê e tai tescj vieris, altris testemoneancis de declinazion di in chê volte"
da "Cualchi ipotesi sul furlan di prin di scrivilu" di Zorç Cadorin
"lis primis zulugnadis [...] e la nêf e sblancjà lis cretis de Mont Maiôr e dal Mont Cjaval, segnâi sigûrs dal Invier"
da "Sul agâr" di Pieri Menis
"si dismovè di sium fûr strafont di sudôr. Al restà li strassomeât: al jere il prin e ben cognossût segnâl dal so mâl"
da "Tal ospedâl" di Amedeo Giacomini
segnâl s.m.
(se-gnâl)
[TS] (eletr.) In gjenar, tension, corint o altre grandece fisiche che e mande une informazion in jentrade o in jessude di un implant
esempi
"la radio no si sintive. Il segnâl al jere colât"
da "Un Friûl difarent: i 90 mhz di Onde Furlane" di Max Mauro
"un trasdutôr al davuelç la funzion contrarie de trasmitent, ven a stâi la decodificazion dal segnâl"
da "Lis celis organichis nanostruturadis" di Lorenzo Marcolini
segnâl s.m.
(se-gnâl)
Manifestazion di un sintiment cu la espression de muse, des peraulis, dal mût di fâ
sinonimi
at, avîs, dimostrazion, espression, prove, segn
esempi
"o vevi sgurlât il cjâf cun fuarce, cence scuasit visâmi. Lui lu veve intindût come segnâl che o volevi lâ vie"
da "Trê feminis" di Gianni Gregoricchio
segnâl s.m.
(se-gnâl)
Bersai, pont che si cîr di centrâ
sinonimi
bersai, segn
esempi
"la balestre e jere pronte. A meterin un tabelon di len da pît dal curtîl, cui segnâi piturâts di blanc e di ros"
da "Prime di sere" di Carlo Sgorlon
segnâl s.m.
(se-gnâl)
Linie, ombre o forme che e reste par vie di une magle, di une lesion e sim.
esempi
"un segnâl di umiditât, ben clâr, al mostrave pardut fin dulà che al jere rivât il nivel de aluvion"
da "Ombris tal infinît" di Carlo Sgorlon
segnâl s.m.
(se-gnâl)
Piçule cuantitât, piçule presince o minime parence di alc o ancje di cdn. (fig.)
sinonimi
ombre, fîl, tic, ninin, ponte, olme, pôc
esempi
"nol jere nancje un segnâl di troi, ma nome bosc e ruvîs"
da "Cuintristorie dal Friûl fin sot la Italie" di Josef Marchet
"chel segnâl di lune ur faseve ancjemò strade dilunc jù, daûr il Çuc dai Pins"
da "La aghe da pît la cleve" di Dino Virgili
"i erêts, par dividi cuatri cjamps e un segnâl di cjase mieze dirocade, a son vignûts ca di me par firmâ il contrat di division"
da "Par la firme di un contrat" di Pieri Somede dai Marcs
"nus plâs cussì la zoventût, frescje, cuntun segnâl di morbin…"
da "Vieri e gnûf" di Pieri Piçul
segnâl s.m.
(se-gnâl)
Imprest che al pues zirâ, che al segne di ce bande che al sofle l'aiar
esempi
"la buera imbramida a fai lamentâ come cigus di cristians, i segnâi di fier sora i camins"
da "Stradi pa la val da la Miduna" di Novella Cantarutti
segnâl s.m.
(se-gnâl)
ûf, ancje pustiç, che si met intun ciert puest par che lis gjalinis a fasin i lôr ûfs dongje
sinonimi
niâr
Torna in Cima