SuperDizionari

sene s.f.
(se-ne)

Intun teatri, spazi, fat par solit cuntun breâr plui adalt de platee, li che si davuelç la azion

sinonimi

breâr

esempi

"Dorine e travierse la sene"

da "Vieri e gnûf" di Pieri Piçul

"smorfeose, vistude di camarele e jentre su la sene, dimenantsi te vite, si met a fevelâ e po e va a sentâsi su di une bancje"

da "Butìnle in staiare" di Pieri Somede dai Marcs

Vedi anche: sjene

sene s.f.
(se-ne)

[TS] (teatr.) Complès dai elements di un teatri, di studi o di un ambient di un cine o di un program televisîf, par costruî il contor li che si davuelç la azion

esempi

"la sene e rapresente une grant loze di un palaç di siôrs vierte su di un zardin colm e dut florît di rosis"

da "Mame..." di Pieri Somede dai Marcs

sene s.f.
(se-ne)

[TS] (teatr.) Ognidune des parts che a dividin un at teatrâl

sinonimi

cuadri

esempi

"la sene e tache cul prolic di un pastôr o di un agnul, che al invide a lâ al presepi a puartâ i regâi"

da "Storie e cronistorie dal teatri in Friûl" di Bepi Agostinis

sene s.f.
(se-ne)

[TS] (teatr.) Intune opare teatrâl, cinematografiche o televisive, unitât minime fate di une azion autonome e coerente cul rest dal spetacul

sinonimi

cuadri

esempi

"dongje des localizazions citadinis, o vin une alternance di senis che si davuelzin in plene nature, une nature salvadie e fuarte"

da "A esmorga" di Fabian Ros

sene s.f.
(se-ne)

Il teatri, il mont teatrâl, la ativitât di atôr o altre profession che e à a ce fâ cul teatri (fig.)

sinonimi

teatri

esempi

"[Andrea Collavino] al fâs par plui di 20 agns la profession di atôr e chê di regjist, dispès dongje di mestris de sene taliane e foreste"

da "Storie e cronistorie dal teatri in Friûl" di Bepi Agostinis

sene s.f.
(se-ne)

Lûc dulà che al sucêt un ciert fat e complès di acjadiments che i zirin ator

sinonimi

senari

esempi

"un delit che al viodeve su la sene un cadavar insanganât"

da "L'om che al pierdeve pinsîrs pe strade" di Fabian Ros

sene s.f.
(se-ne)

Complès des cundizions li che al sucêt alc o li che cdn. si cjate a jessi (fig.)

sinonimi

panorame, senari

esempi

"la aparizion di gnûfs protagoniscj su la sene sociâl e la complicazion dai rapuarts economics a tachin a rapresentâ un pericul di roture dal ecuilibri dal mont medievâl"

da "La invenzion dal stât" di Fabian Ros

"trasmissions "cult", che a fasaran cognossi Onde Furlane ancje fûr dal Friûl, intai ambients de sene musicâl alternative"

da "Un Friûl difarent: i 90 mhz di Onde Furlane" di Max Mauro

sene s.f.
(se-ne)

Fat, acjadiment che si proferìs a cui che al cjale

sinonimi

câs, cuadri, spieli, truc, viste

esempi

"il pari e il barbe, a metin jù il lôr frut muart te tremende bataie di Pâl Piçul [...] Pôc lontan, cence flât, cidins, cul cûr sglonf, doi uficiâi a vevin viodude la sene"

da "Funerâl a Pâl Piçul" di Pieri Menis

"un che al veve viodût la sene di lontan al jere lât a contâ ai carabinîrs che al jere stât lui, Eliseo, a provocâ il muart"

da "Prime di sere" di Carlo Sgorlon

sene s.f.
(se-ne)

Robe che si fâs par fente (fig.)

sinonimi

cine, circul, comedie, menade, pantumine, fente

esempi

"o vevi metude sù dute une sene e une fente par introdusimi in cjase sô"

da "Il dolfin" di Carlo Sgorlon

sene s.f.
(se-ne)

Manifestazion o reazion fûr di misure (fig.)

esempi

"ce malapaiât che al jere restât. Pursì nol veve fate nissune sene"

da "Trê feminis" di Gianni Gregoricchio

"Zuan al vaìve… Une sene, une sene che no us dîs… e jere vignude ancje Marie a saludânus e ancje jê e vaìve"

da "Sul agâr" di Pieri Menis

monolingue