SuperDizionari

sens s.m.

Facoltât dal organisim dal sintî, di percepî, di ricevi impressions di bande di stimui che a vegnin dal difûr

sinonims

sintiment

esemplis

"il mesteir mi judave a tirâ indenant, ma il gno cjâf al stave sot aghe e nissun sens al rivave a sintî ce che al sucedeve ator"

gjavât fûr di "Kebar krossè" di Stiefin Morat

"ogni mio sens a consolâ mi sint, / e voi in dolç delicui in chel instant"

gjavât fûr di "I, 64" di Ermes di Colorêt

"contempli la armonie, la misure, / che regne inte nature... / oh, spetacul imens! / che al sbalordìs e che l'inalce i sens"

gjavât fûr di "La gnot dei muarts" di Pieri Çorut

sens s.m.

Tal pl., fisicitât e massime tai siei aspiets edonistics o sessuâi

sinonims

cjar, cuarp

esemplis

"siums e scuviertis che a sclopin, cul zirâ plui imburît dal sanc, a baticûr, tun tarlupâ di fantasiis vivis e di sens turbits e gnûfs"

gjavât fûr di "La aghe da pît la cleve" di Dino Virgili

"Colâts tes lôr mans. / Ce che nus fasin, / Belen, no stâ jodi. / No la sperance, Belen, / ma une lungje gnot di sens"

gjavât fûr di "In tanache" di Otmar Mainardis

sens s.m.

Impression che e prodûs un fastidi o une reazion di riviel

sinonims

fastidi, nausie, ingomut, riviel, stomi, volt di stomi, impression

esemplis

"jê e je propit de bande dal cimitieri, e i fâs câs. [...] «Par plasê ti displasial di passâ ca di ca? A mi mi fâs sens …»"

gjavât fûr di "Misure" di Meni Ucel

sens s.m.

Mût di stâ, percezion che si à dal propri fisic o de proprie psiche e des sôs cundizions, ancje in maniere no tant definide

sinonims

sintiment

esemplis

"un sens di stracherie disgotade un fregul a la volte"

gjavât fûr di "La aghe da pît la cleve" di Dino Virgili

"in cûr un sens di vite plene, di ligrie profonde"

gjavât fûr di "O sielç lis stelis" di Pieri Somede dai Marcs

sens s.m.

Percezion ben disvilupade e specifiche, che e permet di capî, fâ, compuartâsi intune cierte maniere e v.i. (fig.)

esemplis

"la unitât taliane, imbastide dopo de metât dal '800, e veve di jessi implantade [...] cuntun fregul di inteligjence e di sens pratic"

gjavât fûr di "Chê biade unitât" di Josef Marchet

"il Martini al dimostre di savê dominâ il spazi e di vê un grant sens de struture architetoniche"

gjavât fûr di "Storie de art in Friûl" di Bepi Agostinis

sens s.m.

Ce che al ven comunicât, ce che al vûl dî un messaç, une peraule

sinonims

significance, significât

esemplis

"il sens origjinâl de peraule “mafie” par furlan al jere chel di jessi contents e sodisfats di se stes"

gjavât fûr di "Piçulis storiis di mafie furlane" di Sandri Carrozzo

"radio "furlaniste", tal sens di difese de identitât e de lenghe, ma no localiste, tal sens di sierâsi intun cjanton par no viodi lis diferencis e lis novitâts"

gjavât fûr di "Un Friûl difarent: i 90 mhz di Onde Furlane" di Max Mauro

sens s.m.

Direzion di moviment o di une forme

sinonims

direzion, viers

esemplis

"par tiere si viodevin dôs o trê filis di tancj mieçs cerclis lassâts dai stecs des scovis di sanzit: une file intun sens, une file ta chel altri"

gjavât fûr di "Vilie di fieste" di Lucio Perès

monolengâl