SuperDizionari

torne indaûr

monolengâl

sieradure s.f.
(sie-ra-du-re)

Azion di sierâ o di sierâsi

sinonims

sierade

sieradure s.f.
(sie-ra-du-re)

Fin, conclusion, soredut di un discors, di un scrit, di un componiment e v.i.

sinonims

code, conclusion, fin, sierâ, sierade, tiermin

esemplis

"il non di Piltrude al vignive [...] ancje scrit in sieradure des cjartis dai omeliaris e dai antifonaris, a ricuart di une femine che e fo esempli clarissim di virtût e di prudence"

gjavât fûr di "Piltrude e il Prât das Dumblas" di Angelo Floramo

sieradure s.f.
(sie-ra-du-re)

Aparât mecanic, in câs ancje cun parts eletrichis o eletronichis, che al covente a podê sierâ e vierzi alc, soredut cuntune clâf

esemplis

" "Sêso vô il fari di Cretevierte? " "Siôr sì !" "Vêso fât vô la sieradure di cheste puarte? " "Sì, propit jo! [...]" "Ise une sieradure cui segrets?" "Sigûr, e ancje ben studiâts""

gjavât fûr di "Cretevierte" di Roberto Ongaro

"e jere corude li di chê puarte, e veve sfurigât un pôc te sieradure e e jere rivade a jentrâ"

gjavât fûr di "Braùre" di Spirt Anonim

sieradure s.f.
(sie-ra-du-re)

Mancjance di disponibilitât o di comprension di ce che al è gnûf, diviers, dinamic, no banâl, plui profont e v.i..

sinonims

durece

esemplis

"rinfuarçâ il spirt identitari nol è fenomen di sieradure, ma plasme e linfe de autonomie"

gjavât fûr di "Un popul di scoltâ e di no tradî" di Dree Valcic

sieradure s.f.
(sie-ra-du-re)

[TS] (fon.) Posizion dal aparât di fonazion che no lasse lâ fûr l'aiar o che al lasse passâ mancul aiar rispiet a altris posizions

sieradure s.f.
(sie-ra-du-re)

[TS] (zûcs) In cierts zûcs di cjartis, il vê i ponts che a coventin par sierâ il zûc

detulis

"Sant Simon e jude la rave a ven madure, madure o no madure, si le met sot sieradure"

torne sù