SuperDizionari

sisteme s.m.
(sis-te-me)

Complès organic di elements concrets o astrats che a dipendin tra di lôr

sinonimi

complès, insiemi

esempi

"la atmosfere al è un sisteme complès, plen di retroazions"

da "Clime e incuinament: prime l'ûf o la gjaline?" di Dario Bianchini Giaiotti, Fulvio Stel

sisteme s.m.
(sis-te-me)

Aparât formât di plui elements

esempi

"si metè a cjalâ il tabelon, che cuntun sisteme eletronic al dave indicazions sui trens, oris e binaris"

da "In viaç di domenie" di Agnul di Spere

"tal fabricât de unitât al è stât instalât un sisteme di filtrazion dal aiar"

da "Il disastri de centrâl nucleâr di Fukushima Dai-ichi" di Alessandro Pascolini

sisteme s.m.
(sis-te-me)

Complès di proceduris che a smirin a vê un risultât

sinonimi

ande, condote, dret, fate, maniere, metodi, metodologjie, mût, procediment, procedure, tatiche

esempi

"passâ di un sisteme di produzion artesanâl a un industriâl"

da "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini

"jo, sul concet, o jeri dacuardi. No sopuartavi, invezit, il sisteme che al doprave. Dûr, rigorôs: un premi se il frut si compuartave ben; un cjastì se si compuartave mâl"

da "Trê feminis" di Gianni Gregoricchio

"l'unic sisteme scolastic che al puedi vê un impat positîf suntune lenghe come il furlan, al è chel dulà che almancul la metât des oris di lezion a son fatis par furlan"

da "Autonomie e politiche linguistiche pal furlan" di Sandri Carrozzo

sisteme s.m.
(sis-te-me)

Complès di normis, usancis, rapuarts di podê e v.i. che a caraterizin une societât

sinonimi

aparât

esempi

"un moviment di popul cuintri dal guvier di stamp coloniâl dai Savoia, ma ancje cuintri dal sisteme feudâl che al pesave su la plui part de isule [de Sardegne]"

da "Teritoris - Oms di Libertât" di Carli Pup

"us saludi, o flamis di fûc, / e us invidi a disfâ tun moment / el sisteme dal siôr e dal pûr / e po el mont sarà calm e content"

da "A li bandieri" di Gjovanin Minut

"al disvelave segrets che se rindûts publics a varessin scombussulât dut il sisteme politic e finanziari cun consecuencis incalcolabilis"

da "L'om che al pierdeve pinsîrs pe strade" di Fabian Ros

sisteme s.m.
(sis-te-me)

[TS] (filos.) Complès di postulâts, principis, ideologjiis che a formin une scuele di pinsîr

sinonimi

concezion, dotrine, pinsîr, teorie

esempi

"la filosofie e proferì ae fisiche la pussibilitât di deventâ sisteme, di cuvierzi cu la cognossince la physis tal cori vie dai secui, cence pierdi la unitât, la coerence e inalore la bielece dal scheme dal mont"

da "Viaç aes origjins dal Logos" di Adrian Cescje

sisteme s.m.
(sis-te-me)

[TS] (astron.) Complès organic di cuarps celescj

esempi

"si pensave di podê aplicâ cheste regule [la leç di Titius e Bode] a ducj i sistemis planetaris e satelitârs"

da "Il Sisteme Solâr e lis sôs leçs" di Bepi Zefon

sisteme s.m.
(sis-te-me)

[TS] (anat.) Complès di orghins o struturis che a fasin chê stesse funzion o funzions leadis une cun chê altre

sinonimi

aparât

esempi

"i moviments de man/braç e dal sisteme fonoarticolatori a àn un substrât neurologjic comun"

da "Speculazions su la origjin dal lengaç" di Giacomo Rizzolatti, Laila Craighero

"dutis chestis cundizions a ridusin la ativazion dal sisteme gnervôs simpatic"

da "Neurosiencis dal dolôr" di Franc Fari

sisteme s.m.
(sis-te-me)

[TS] (mat.) Complès di elements che, cundut che a esistin un separât di chel altri, a son in relazion tra di lôr e a formin un insiemi unic

sisteme s.m.
(sis-te-me)

[TS] (fis.) Complès dai cuarps considerâts in maniere cumulative o daûr des lôr carateristichis

esempi

"il “Principi di Indeterminazion” di Heisenberg al dîs che no si pues fâ tal stes moment domandis precisis su la posizion e su la velocitât di une partesele elementâr (o di cualsisei sisteme cuantistic)"

da "Teologjie algjebriche" di Sergio Cecotti

sisteme s.m.
(sis-te-me)

[TS] (chim.) Complès di sostancis che al è fat di une o plui fasis

sisteme s.m.
(sis-te-me)

[TS] (gjeol.) Complès dai sediments che a son di une stesse ete gjeologjiche

sisteme s.m.
(sis-te-me)

[TS] (gjeogr.) Complès di elements omogjenis di un teritori

sisteme s.m.
(sis-te-me)

[TS] (inform.) Centri di elaborazion dâts che al cjape dentri strumentazions diferentis che a lavorin adun par rivâ un risultât

sisteme s.m.
(sis-te-me)

[TS] (zûcs) Intai zûcs là che si cîr di fâ previsions, metodi statistic che al permet di incressi la probabilitât di vinci

monolingue