SuperDizionari

slambri s.m.
(slam-bri)

Viertidure di alc che al è rot, taiât o sbregât

sinonims

slambrade, sbregade, sbrego, siet

esemplis

"tal mûr de façade, in bande de puarte, al jere un fal, un slambri insot, come se, no sai, e mancjàs une piere"

gjavât fûr di "La aghe da pît la cleve" di Dino Virgili

"al puartà une man a fermâ lis vissaris che a si spopeavin di un slambri de panze"

gjavât fûr di "Il Bulo di Crodio" di Maria Forte

slambri s.m.
(slam-bri)

Part avonde grande di alc, in gjenar lungje e strete, taiade, sbregade o gjavade vie cun viamence

sinonims

blec, bocon, sbridin, fete, toc

esemplis

"a ‘ndi vevin cjapâts cuatri [di soldâts venezians] e ju scuartarin e po a picjarin i slambris su lis muris de citât"

gjavât fûr di "La aghe da pît la cleve" di Dino Virgili

slambri s.m.
(slam-bri)

Toc, part considerade in particolâr rispiet a un complès (fig.)

sinonims

bocon, pas, tai, toc, part

esemplis

"chest (il Cuarantevot) al è un slambri de nestre storie tant intrigôs che mai, di contâ"

gjavât fûr di "Cuintristorie dal Friûl fin sot la Italie" di Josef Marchet

"a saressin vonde ancje dome chescj doi slambris di pûr lirisim par fâ di De Gironcoli un poete vêr, un di chei che a san trasmeti emozions veris"

gjavât fûr di "Tal mâr dai siums" di Laurin Zuan Nardin

monolengâl