SuperDizionari

slambri s.m.
(slam-bri)

Viertidure di alc che al è rot, taiât o sbregât

sinonimi

slambrade, sbregade, sbrego, siet

esempi

"tal mûr de façade, in bande de puarte, al jere un fal, un slambri insot, come se, no sai, e mancjàs une piere"

da "La aghe da pît la cleve" di Dino Virgili

"al puartà une man a fermâ lis vissaris che a si spopeavin di un slambri de panze"

da "Il Bulo di Crodio" di Maria Forte

slambri s.m.
(slam-bri)

Part avonde grande di alc, in gjenar lungje e strete, taiade, sbregade o gjavade vie cun viamence

sinonimi

blec, bocon, sbridin, fete, toc

esempi

"a ‘ndi vevin cjapâts cuatri [di soldâts venezians] e ju scuartarin e po a picjarin i slambris su lis muris de citât"

da "La aghe da pît la cleve" di Dino Virgili

slambri s.m.
(slam-bri)

Toc, part considerade in particolâr rispiet a un complès (fig.)

sinonimi

bocon, pas, tai, toc, part

esempi

"chest (il Cuarantevot) al è un slambri de nestre storie tant intrigôs che mai, di contâ"

da "Cuintristorie dal Friûl fin sot la Italie" di Josef Marchet

"a saressin vonde ancje dome chescj doi slambris di pûr lirisim par fâ di De Gironcoli un poete vêr, un di chei che a san trasmeti emozions veris"

da "Tal mâr dai siums" di Laurin Zuan Nardin

monolingue