Hai cercato la parola
monolingue
Torna indietro

monolingue

slungjâ v.tr.
(slun-gjâ)
Fâ deventâ plui lunc, incressi in lungjece
esempi
"a i saltà sù al vecju da slungjâ il palaç e al clamà li femini a puartâ cjalcina e savalon par fâ malta"
da "Paron Salvadi" di Novella Cantarutti
"la liste si podarès slungjâle, ma chest nol menarès dongje ponts gnûfs pal nestri studi"
da "Cualchi ipotesi sul furlan di prin di scrivilu" di Zorç Cadorin
slungjâ v.tr.
(slun-gjâ)
Fâ someâ plui lunc
esempi
"scarpis neris e lucidis, cuntun tac alt e solit [...]. Scarpis che ti slungjin lis gjambis come par magjie, e ducj si zirin a cjalâti"
da "Milonghe" di Antescûr
slungjâ v.tr.
(slun-gjâ)
Distindi o movi alc o une part dal cuarp in mût che e rivi plui lontan
sinonimi
distindi, distirâ
esempi
"lui al slungjà une man, e ancje se jê e fasè il mot di ritirâsi, istès al strenzè une des sôs"
da "Trê feminis" di Gianni Gregoricchio
"si sentave plui comut e al slungjave i braçs sul scritori"
da "I forescj" di Alan Brusini, Gian Paolo Linda
slungjâ v.tr.
(slun-gjâ)
Fâ durâ di plui, incressi in durade di timp
sinonimi
intardâ, sprolungjâ
esempi
"Març al screave rosutis e al slungjave zornadis"
da "Come tai romançs" di Alan Brusini
"chê fede i slungjave la vite e i dave une gnove fuarce di movisi"
da "Cjase di Dalban" di Maria Forte
"il plevan le à fate lungje, al à slungjade la novene cu lis litaniis dai Sants"
da "Il prossim" di Pieri Somede dai Marcs
slungjâ v.tr.
(slun-gjâ)
Proietâ une ombre, une forme, une lûs e v.i.
esempi
"il soreli al leve a mont slungjant lis ombris dai morârs tal mieç de stradele che e someave une lungje scjale"
da "Sul agâr" di Pieri Menis
slungjâ v.tr.
(slun-gjâ)
Zontâ un licuit, par solit aghe, par fâ deventâ mancul penze o fisse une sostance o par fâ che e vedi plui volum
sinonimi
inagâ, taiâ, zontâ
esempi
"Momi vûstu fermâti a gustâ cun nô, [...] slungjarìn la mignestre e dividarìn il companadi, a la buine sâstu"
da "Un pugn di moscjis" di Pieri Somede dai Marcs
slungjâ v.tr.
(slun-gjâ)
Dâ, svicinâ alc a cdn. par che al puedi cjapâlu
sinonimi
dâ fûr, meti fûr, scuarzi, svicinâ, ufrî
esempi
"al veve gjavât di sachete un tocut di cjocolate e me e veve slungjade"
da "Trê feminis" di Gianni Gregoricchio
"al strucjà il vin te tace e jal slungjà a Rosute"
da "La aghe da pît la cleve" di Dino Virgili
"Ricardo i tignive sù il cjadin e i slungjave il suieman ogni volte che al ocoreve"
da "Prime di sere" di Carlo Sgorlon
slungjâ v.tr.
(slun-gjâ)
Dâ cun fuarce
esempi
"a fasin un fastidi dal diaul e une grande voie di slungjâur une pidade"
da "Lis predicjis dal muini" di Josef Marchet
"mi tire ancje a ciment tant che cualchi volte i slungji un pataf"
da "Vieri e gnûf" di Pieri Piçul
proverbi
"ni messe ni blave no slungjin la strade"
Torna in Cima