Hai cercato la parola
monolingue
Torna indietro

monolingue

smontâ v.intr., v.tr.
(smon-tâ)
Vignî jù, vê une direzion di moviment o une forme o une posizion che a van injù
sinonimi
lâ jù, vignî jù, dismontâ
esempi
"al restà ancjemò un moment a cjalâ, po ben planc si metè fûr e al scomençà a smontâ pe scjale"
da "Sflamiadis" di Pieri Menis
"il Nadâl al è la Peraule eterne che e smonte dal cîl par fevelâ al nestri cûr"
da "Un grant biel Nadâl" di Tonin Cjapielâr
smontâ v.intr.
(smon-tâ)
Molâ une ativitât par vie che l'orari al è finît
esempi
"il cogo al smontave dal lavôr un cuart di ore prime,"
da "La aghe da pît la cleve" di Dino Virgili
"la buinore a siet o davin il gambi a chei che a smontavin dal turni di gnot"
da "Buchenwald 1944" di Max Mauro
smontâ v.tr.
(smon-tâ)
Fâ pierdi volum
esempi
"si va indenant a sbati, zontant plan lat e brandy, cence fâ smontâ l'impast"
da "Clafoutis di cjariesis" di Margherita Timeus
smontâ v.tr.
(smon-tâ)
Discomponi, dividi alc tes sôs componentis
sinonimi
disfâ, fâ jù, tirâ jù, discomponi, scomponi
esempi
"a Toni i sarès plasût smontâ dut l'argagn par cirî di capî dulà che a jerin i trucs"
da "Lis pinessis" di Checo Tam
Torna in Cima