SuperDizionari

solitari adi., s.m.
(so-li-ta-ri)

Che, cui che al è o che al vîf isolât, bessôl, soredut par sielte

esempi

"dopo il matrimoni disfortunât al veve scomençât a vivi solitari"

da "Il dolfin" di Carlo Sgorlon

"solitari, te mê stanzie, o continui la relazion de zornade"

da "Viaç a Vignesie" di Arturo Feruglio

solitari adi.
(so-li-ta-ri)

Di lûc, cun pocje int o nissun, lontan di un centri o des viis di comunicazion, che al è dificil di rivâi

sinonimi

desert, disabitât, dispartât, fûr di man, inacessibil, isolât, rimit

esempi

"roiuçs, boschets ca e là, / lûcs solitaris, lûcs di meditâ, / formin par un poete / un complès che lu inspire e lu dilete"

da "Primevere a Cividât" di Pieri Çorut

"Crist ur domande di veglâ cun lui almancul une ore, a la ombre palide de lune che e jemple di melancolie chel lûc solitari plen di ulivârs"

da "Sant Jacum, là che al finìs il mont" di Antoni Beline

solitari s.m.
(so-li-ta-ri)

[TS] (zûcs) Zûc di cjartis fat di une persone sole

esempi

"Dalban, che al slargjave il solitari, al fasè un moto come di scjas a chê peraule"

da "Cjase di Dalban" di Maria Forte

"altris setemanis lis passave tes ostariis, sentât tun cjanton a fâ solitaris, simpri cidin e bessôl"

da "Destins" di Pieri Menis

solitari s.m.
(so-li-ta-ri)

Brilant preziôs fissât di bessôl intun anel

monolingue