SuperDizionari

sore prep., av., adi.inv.
(so-re)

Al segne la posizion di alc metût suntun supuart o su di une base

sinonims

insom, su, sù, parsore, disore

esemplis

"sore la taule taronde cu la tavaie blancje e je prontade une cjicare sul plat e il tavaiuç"

gjavât fûr di "I forescj" di Alan Brusini, Gian Paolo Linda

"no je distudade ancjemò, tai nestris paîs, la voie di meti un modon sore chel altri"

gjavât fûr di "La vite di chest mont, cence un pôc di spirt, e devente brute e insopuartabile" di Francesc Placerean

Viôt ancje: sôre

sore prep., av., adi.inv.
(so-re)

Intor e a contat cun alc

sinonims

su, sù, parsore, intor, disore

esemplis

"e meteve sù, par provâle, une viestute turchine clare, ben setade sore il so cuarp"

gjavât fûr di "Spietant" di Agnul di Spere

"freiava un pâr di voltis la lama su la magna de la cjamesa par netâla dal pantan che gji si jera fermât sora nel uçâla"

gjavât fûr di "Il me paîs" di Federigo Comelli

sore prep., av., adi.inv.
(so-re)

Par segnâ posizion plui alte a pet di alc ancje cence contat

sinonims

su, sù, parsore, disore, adalt

esemplis

"avions che si alcin dal aeropuart. Tun minût i avions a son sore il mâr"

gjavât fûr di "Il puint de ledre" di Agnul di Spere

"al era il ciel sora di lour, un grant ciel larc cença cunfins"

gjavât fûr di "Il Bolp" di Novella Cantarutti

sore prep., av., adi.inv.
(so-re)

In posizion plui alte in jerarchie, responsabilitât, control, domini, disponibilitât economiche e v.i. (fig.)

sinonims

su, sù, parsore, disore, adalt

esemplis

"il palaç imperiâl, il centri dal comant sore dut il mont todesc e intodescjât"

gjavât fûr di "Un cidinôr todesc" di Agnul di Spere

"un bon predi al veve simpri di tasê cun chei sore e di vosâur a di chei sot"

gjavât fûr di "Pre Pitin" di Antoni Beline

sore prep., av., adi.inv.
(so-re)

Par segnâ une posizion a nivel, altece o altitudin superiôr

sinonims

su, sù, parsore, disore, adalt

esemplis

"pes monts sore Trep di Cjargne a jerin a stâ i maçarots"

gjavât fûr di "I maçarots di Trep" di Josef Cjargnel

"scurtadis lis cotulis fin sore il zenoli"

gjavât fûr di "Chei de vuere dal '15" di Alan Brusini

sore av., prep.
(so-re)

Par introdusi un complement di argoment

sinonims

su, sù, parsore, disore

esemplis

"une altre Comission ristrete e tornà sore la leç inte Sierade di chel an"

gjavât fûr di "Memoriis di politiche linguistiche" di Adrian Cescje

"al disè alc sore de esistence di Diu"

gjavât fûr di "Spietant" di Agnul di Spere

"«Ce us parie la pensade di Zuan?» i domandà. «No sai ce dîti, fie mê» «Jo no i romp sore, … no vuei disgustâlu»"

gjavât fûr di "La tiere di Lansing" di Maria Forte

sore prep., av., adi.inv.
(so-re)

Par segnâ un limit di numar, cuantitât, misure, valôr e v.i.

sinonims

parsore, disore, oltri, plui inlà, plui inlà di, di là, di là di

esemplis

"lis aziendis sot dai 5 etars (piçulis) a jerin l'85,67%, chês tra i 5 e i 50 (medianis) a jerin il 16,20% e chês sore (grandis) l' 1,13%"

gjavât fûr di "Liniis di storie sociâl e economiche dal Friûl 1500 – 1800" di Adrian Cescje

"par chei sore dai 65 agns, o vin invezit il dât de ricercje dal 1977/1978 che al rivuarde lis personis che chê volte a vevin plui di 45 agns"

gjavât fûr di "La cundizion sociolinguistiche dal furlan" di Linda Picco

"sore dai 1300 °C e partìs la reazion dal zirconi cul vapôr de aghe produsint ossit di zirconi e idrogjen"

gjavât fûr di "Il disastri de centrâl nucleâr di Fukushima Dai-ichi" di Alessandro Pascolini

sore prep., av.
(so-re)

Par segnâ un compens, un premi, une paie e v.i.

sinonims

in cambi, in compens, parsore

esemplis

"vuê di matine soi stade a mulin par mê sûr, che e je chê siorone che e sta culì dongje. O speravi che sore mi ves dât almancul un cuatri zumielis di farine"

gjavât fûr di "La fuiace de Madone" di Catarine Percude

"il [patriarcje] Trevisan al spesseà a rinunziâ a ogni dirit temporâl sul Friûl sore une buine indenitât in ducâts"

gjavât fûr di "Cuintristorie dal Friûl fin sot la Italie" di Josef Marchet

"ti prei, no stâ pandimi, ni fevelâ di alc, e jo sore ti fasarai un grant regâl"

gjavât fûr di "Lis striis" di Andreina Nicoloso Ciceri

sore prep., av.
(so-re)

Par segnâ une zonte

sinonims

in plui, parsore, di prionte, cun di plui, dongje, di sore plui, ancjemò, inmò

esemplis

"lis cuistions plui minudis a deventin berdeis, i afaruts di aministrazion ordenarie a dismovin davois sore davois"

gjavât fûr di "Barufis" di Josef Marchet

"o pensi a mê mari e a gno pari che, par tirâ dilunc, a àn di scanâsi dut il dì e ancje sore a àn di viodi di me"

gjavât fûr di "Sul florî" di AAVV

sore s.m.
(so-re)

Part di alc che e je adalt

sinonims

disore, parsore

esemplis

"la tampieste e à macolât dut il sore de machine"

monolengâl