Hai cercato la parola
monolingue
Torna indietro

monolingue

sparagnâ v.tr.
(spa-ra-gnâ)
No spindi (ancje ass.)
sinonimi
meti in bande, tignî di bande, tignî di cont, tignî in bande, salvâ
esempi
"«No mangji mai di matine» al rispuindè, ma e jere une bausie par sparagnâ cent francs"
da "Prime di sere" di Carlo Sgorlon
"[molâ di fumâ] al fâs ancje sparagnâ un biel pôcs di bêçs"
da "Stude i spagnolets!" di Guglielmo Pitzalis
"«Al è pal to ben… se si sparagne si cjate, une altre dì… ». Chê e jere la solfe di done Pine, sparagnâ, tignî cont"
da "Chei di Muraie" di Pieri Menis
"une volte al jere cussì di mode sparagnâ, che adiriture a sparagnavin ancje i siôrs"
da "I furlans e la culumie" di Riedo Pup
sparagnâ v.tr.
(spa-ra-gnâ)
Doprâ in pocje cuantitât o ancje no doprâ
sinonimi
salvâ, tignî di bande, tignî di cont
esempi
"stradons, otomobii, picicletis, cjavai, mus, tramvais e polvar... [...] O podevi ancje sparagnâ la patine des scarpis!..."
da "Viaç a Vignesie" di Arturo Feruglio
sparagnâ v.tr.
(spa-ra-gnâ)
No fâ alc
esempi
"o sparagni di domandâi di tornâ a ripeti chel che al mi veve dite prin, parcè che al somee vonde clâr"
da "Ah! la provincie" di Sandri Di Suald
sparagnâ v.tr.
(spa-ra-gnâ)
Evitâ, no fâ subî
esempi
"cun pocje spese tu varessis podût fâ plui buine figure e sparagnâmi tantis penis"
da "Cun pocje spese..." di Pieri Somede dai Marcs
"o vin vude la sorte [...] di viodi in funzion, in altris paîs, chel ordenament che o vin tal cjâf, di misurâ i vantaçs che al puarte e lis rognis che al sparagne"
da "La regjon in pericul" di Josef Marchet
"o ai cirût di cuietâmi. Nuie ce fâ. Al à stât Sandri a sparagnâmi une brute figure"
da "Trê feminis" di Gianni Gregoricchio
sparagnâ v.tr.
(spa-ra-gnâ)
Tignî fûr cdn. di impegns o di fadiis masse grancj
esempi
"[i fruts une volte] a vevin di jevâ a buinore; di talpinâ dut il dì; di sparagnâ i vecjos sun ducj i lavôrs"
da "I furlans e i frutins" di Riedo Pup
sparagnâ v.tr.
(spa-ra-gnâ)
No colpî, no copâ o fâ che alc o cdn. nol vedi dams
sinonimi
lassâ, salvâ
esempi
"e li [i carabinîrs] ti copavin un su ogni dîs, chei pôcs disgraciâts che i mucs a vevin sparagnât"
da "Come tai romançs" di Alan Brusini
"a tremin di pôre i biâts furlans scjampadiçs e a prein il Signôr che ju sparagni e che ju deliberi des sgrifis dal forest"
da "Il cjistiel di Udin" di Josef Cjargnel
"«La vuere no cognòs confins; no sparagne nissun; e je un flagjel di Diu, Toni!»"
da "La cjase di Toni" di Tarcisio Venuti
proverbi
"al è miôr sparagnâ il flât par cuant che si à di murî"
"bisugne sparagnâ la ombrene par cuant che al plûf"
"cuant che al è di fâ ben no son, cuant che al è di fâ mâl no si sparagnin"
"cui che al sparagne, la gjate e magne"
"cui che al vûl gjoldi di domenie che al sparagni la sabide"
"cui che nol sparagne di zovin al stente di vieli"
"il centesim al è piçulit ma a sparagnâlu al fâs profit"
"il claut vieri al sparagne chel gnûf"
"se no ai reson, a sparagnâ la bocje o pâr plui bon"
"se reson no ai, miôr che o sparagni la bocje e che o pai"
"sparagne par no murî, no stâ murî par sparagnâ"
Torna in Cima