"e jere za sentade sul caretin, dongje il barbe Tite che al strenzeve fuart la scorie e lis brenis par tignî fer il cjaval"
da "Cjase di Dalban" di Maria Forte
"nol resistè a la tentazion di strenzi la mantie e di vierzi la puarte"
da "Il palaç" di Checo Tam
strenziv.tr. (stren-zi)
Sierâ cun fuarce (ancje ass.)
esempi
"al veve tacât a piturâ i scûrs: a 'nd tirave jù un par volte, lu gratave e lu slissotave cu la cjarte di veri e i dave sù il vueli di lin; al strenzeve lis vîts a len, al onzeve i cancars"
da "Cretevierte" di Roberto Ongaro
strenziv.tr. (stren-zi)
Cjapâ cui braçs cdn., tant che at di afiet, o di amôr, o di passion e v.i.
esempi
"la strenzevi cuintri di me, le bussavi sul cerneli, su la bocje, i cjareçavi i cjavei"
da "I forescj" di Alan Brusini, Gian Paolo Linda
"daûr il frascjam dai ramaçs, lui le veve strente e bussade, a colp. E i veve viert dut il cûr"
da "Cjase di Dalban" di Maria Forte
strenziv.tr. (stren-zi)
Di sensazion, fisiche o psicologjiche, cjapâ cun fuarce (fig.)
esempi
"il lancûr mi strenzeve il cûr"
da "Trê feminis" di Gianni Gregoricchio
"al veve cjatade sô fie e, cuntun grop che i strenzeve il cuel, i disè: "Marie, co tu ti maridarâs un toc di cheste tiere e sarà tô [...]""
da "La braide" di Pieri Somede dai Marcs
strenziv.tr. (stren-zi)
Tignî dongje, tignî sierât
esempi
"al dismole un toc de curdele che e strenç il camisot"
da "Madalene" di Franco Marchetta
strenziv.tr. (stren-zi)
Tignî tacât cuntun leam, cuntune relazion o ancje cuntun contrat, un debit e v.i. (fig.)
esempi
"a no è dita che il Signour nol vedi pietât di nû [...] al sa cuant amour che al ni strens a chistu nustri paisut spierdût tal mont"
da "I Turcs tal Friûl" di Pier Paolo Pasolini
strenziv.tr. (stren-zi)
Meti cdn. o alc tun lûc stret sfuarçant par che al jentri (ancje fig.)
sinonimi
fracâ
esempi
"strenzi i vistîts te valîs"
"Diu no si po strenzilu tal nestri cjâf"
da "Vieri e gnûf" di Pieri Piçul
strenziv.tr. (stren-zi)
Fasint un svolt o passant un veicul, cjapâ une traietorie che e je masse dongje de bande didentri dal svolt o masse dongje di chel altri veicul (ancje ass.)