Tu âs cirût la peraule
monolengâl
torne indaûr

monolengâl

stuarzi v.tr.
(stuar-zi)
Fâ che alc nol vedi plui une forme o une posizion drete o verticâl o orizontâl o regolâr o sim.
sinonims
pleâ, arcâ, inarcâ, sgobâ
esemplis
"[par fâ i schîs] si cjapavin dôs breis di len e par fâ la ponte si lis stuarzevin intal sîr cjalt"
gjavât fûr di "E ven jù che Diu le mande" di Manuela Quaglia
"un riduçâ amâr i veve stuarzût i lavris"
gjavât fûr di "Îr e doman" di Gianni Gregoricchio
stuarzi v.tr.
(stuar-zi)
[TS] (tess.) Fâ sù fibris te filadure (ancje ass.)
sinonims
intorteâ, intortolâ
esemplis
"lis tiradressis di file, te stale, dutis lis macis di Zenâr, a impararan, cu lis mans des vielis, a fâ la scovolade, a trasi, a stuarzi sul filadôr…"
gjavât fûr di "La aghe da pît la cleve" di Dino Virgili
"e filave cjanaipe o lane, cul so spiçot impirât fra cotule e grumâl, cu la gurlete e stuarzeve e e dopleave i fîi, cu la daspe e faseve sù acis e acis"
gjavât fûr di "Chei di Muraie" di Pieri Menis
stuarzi v.tr.
(stuar-zi)
Fâ che alc al deventi o al somei o al sedi considerât il contrari di ce che al è o une vore diviers di ce che al è (fig.)
sinonims
voltâ, rivoltâ, ribaltâ, savoltâ
esemplis
"fortunâts i puars…, fortunâts chei che a vain… fortunâts chei che a son perseguitâts… Ce volevial dî? Volevial propit stuarzi dut?"
gjavât fûr di "I furlans a àn di preâ te lôr lenghe par cuistions di religjon e di dignitât" di Francesc Placerean
detulis
"bisugne stuarzi la tuartie fin che e je frescje"
torne sù