SuperDizionari

monolengâl

sudâ v.intr., v.tr.
(su-dâ)

Fâ vignî fûr licuit su la superficie de piel, pal solit par vie dal cjalt o de fadie, par sbassâ la temperadure dal cuarp

esemplis

"nol podeve plui resisti dal cjalt e al sudave dute la gnot"

gjavât fûr di "La setemane rosse" di Pieri Menis

"il Vuarp, simpri sentât suntune siele taiade a manarie di man, al fumave saldo, che, scuasit, al sudave bago di pipe, fûr de piel tombadice"

gjavât fûr di "La rive di Sant Pieri" di Maria Forte

"mi à tacât un grant dolôr e no rivavi a respirâ e o sudavi"

gjavât fûr di "Jo e Graziella" di Mario Beltramini

sudâ v.intr., v.tr.
(su-dâ)

Fâ fadie, otignî cun tante fadie

sinonims

sudorâ, sfadiâ

esemplis

"ognidun dai partîts al scuen scombati, spindi e sudâ par tirâ de sô bande i eletôrs"

gjavât fûr di "Votazions regjonâls" di Josef Marchet

"che son culì trê mês / che o sudi e che o lavori come un cjan / par implantâ i pronostics del gnûf an; / ma par tant che o capìs, sudi dibant"

gjavât fûr di "Il Strolic furlan par l'an 1851" di Pieri Çorut

sudâ v.intr., v.tr.
(su-dâ)

Ancje di superficie no corporie, fâ vignî sù aghe o cualchi altri licuit o jessi cuvierte di aghe o di cualchi altri licuit

esemplis

"nissun nol fâs un pas plui incà sun chei mûrs za mieçs scotâts. E li breis i sudin sot i pîts [par vie dal fûc che al bruse la cjase]"

gjavât fûr di "No je plui vive" di Dolfo Zorzut

"sore sere lis ramis dai barcons a sudavin di clip"

gjavât fûr di "La aghe da pît la cleve" di Dino Virgili

detulis

"al è miôr sudâ che no tossi"

"benedets i bêçs che si sude di bessôi"

"cui che nol sude nol à robe"

"i ûfs fraits no sudin mai"

"miôr sudâ che no tossi"

"miôr sudâ che no tremâ"

torne sù